نعمة الله بالوجود=خبر حبك مبتداه
فاض دمعي ياعهود=واغرق الكون وغطاه
كن حالي غصن عود=ميتن وسط الفلاه
يا صغير ياودود=ياقمرنا في سماه
حاكمن قلبي وزود=مثل حاكم في حماه
وردتن بين الورود=ريحها يجذب شذاه
عطرت روض النفود=عقب غيثن قد سقاه
اشكر الله بالسجود=عد نجمن في عُلاه
وعد وراد العدود=يوم حبك لي عطاه
لك مواثيق وعهود=بالوفى طول الحياه
ولك عهدنا ياعنود=غيركم يحرم غلاه
لو نضرنا كل خود=يشبهنه في حلاه
وصفها وصفن يكود=والموصف مالقاه
ثغرها بارق رعود=يجهر العاشق سناه
ورمشها صفة جنود=صفصفوهم للمشاه
ومشيته ثقل بركود=مايناضر من وراه
ليتني احمر خدود=والا روجن في شفاه
من عريبين الجدود=جدها واللي تلاه
وش جميلات الهنود= وش لميس وش نجاه
كلهن مثل القرود=في حضور اجمل فتاه
آخر المواضيع
وش جميلات الهنود@وش لميس وش نجاه 
