عـطـنـي ورق وأعـطـيـك مـن نـبـع الاحـسـاس ؟!

عطني ورق وأعطيك من نبع الاحساس=شعرً يخلد بالهجوس المعاني
حروف شعرً تلتهب ضو مقباس =والا كما شهرة سهيل اليماني
أبيك تقرأ ماكتبته بقرطاس = أبيك تدري وش كثر كنت أعاني
إقرأ السطور وحلل الشعر بقياس= وأبيك تبحر مع خياله ثواني
تقرأ مابين سطورها حرف حـّساس = لك أنت وحدك يامسبب جناني
لاني أحس انك وحيدً من الناس=وانت الوحيد اللي سكنت أبكياني
هالحين خذها واضحه لك من الراس= وأبي لحل رموزها ترجماني
كم لي تغاضيت وتسامحت لاباس= لاباس صارت كلمةٍ في لساني
ياما زرعت احلام باتت بالافلاس=ياما سهرتك ليل طيفه نساني
واليوم أحس أن الفكر حيل منحاس = والحل واحد مالها حل ثاني
اما كذا ؟ والا كذا ؟ واطوي الياس= لا ماحتري بالدرب من لا أحتراني
طالت أمشيها ولا أدري على ساس= ماكنك اللي ضمني وأحتواني
لانته معي واضح مثل باقي الناس = ولانته مصارحني بسر المحاني
ذوقتني شهدك ومنيت بالكاس= الله وكيلك كل مابك دعاني
قالت أحبك ؟ قلت يادرة الماس=والله حبك من مكاني خذاني
جيتك شجاعً ممتطي قب الافراس=كل مملكه شعري وصهوة حصاني
وأهـديتها لعيون نجلً ونعاس=ذيك الرموش اللي غـواها بلاني
أسهومها في وسط صدري كالامواس=سهم العيون اللي صوابه رماني
وهب الشمال وذعذع الشوق نسناس=وفاحت رياحين الغلا زعـفـراني