عليكم السلام ورحمة الله وبركاته
غالي والطلب رخيص يـاراعــي الـــرايــه
اضحك لدنياك لا تبقى عبوس=بس دون إسراف في ضحكك لها
واحترس منها ترا ماهي عروس=تنخطب لك لابدا حبك لها
ولا تخلي كل همك بالفلوس=يسفهك عند الملا لهثك لها
ولاتجي مثل الحنوك بلا ضروس=من رداها زادها يعلك لها
اجل الهمه سهم والنفس قوس=للمعالي شدها وابرك لها
ولا يبلغك المراجل حب روس=ارتفع بالنفس عن قتلك لها
ولا تصير بساعة الشده نسوس=الثقيله صر جمل وابركلها
ولا تغامر بالامور الا تسوس=بالسياسه والعقل تكتك لها
واحذر الحساد وضعاف النفوس=والعداء لا ينكشف سترك لها
وابتعد عن كل نمامً بلوس=ماكل لحومً وهي حرمك لها
وشل ضروسك لابدا بالضرس سوس=راحتك من همها قلعك لها
والمره هي سبب حرب البسوس=ودها انك يارجل كلك لها
مايصدق كيدها غير الهدوس=مير حذرا ينحني راسك لها
خذ رزينه تاخذ الراي وتقوس=ماتخالف طاعتك وامرك لها
يابن ادم خذ من الدنيا دروس=والنصايح ينفعك حفظك لها
وراقب الله بالقيام وبالجلوس=له حقوقً يغضبه تركك لها
لاتجيله يابسً حلقك يبوس=القيامه وش بقى عندك لها
كان نفسك تشتهي كثر الدحوس=الممات من الحياه ابرك لها
الشاعرالشمالي/عبد الرزاق الهذيل
تقبل مروري
آخر المواضيع
لـمـن هـذهـ الأبـيـآت..؟؟ 
رد : لـمـن هـذهـ الأبـيـآت..؟؟ 
