ابدوي ويتغزل في بدوية

اتمنى ان تلاقي اعجابكم





ياقصيدي عزوتي يـارأس مالـي يااخوي(ن) خوّتـه عـزّت خويّـه

إستعـد وحضّـر أبياتـك طرالـي طاري(ن) خلاّ المشاعـر عاطفيّـه

إبتليت بقلب عاشق وإن شكى لـي من عشيقه غصب أدق إله التحيّـه

قلبي اللي سرّتـه بنـت الحلالـي ومن يلوم القلب في عشق بدويّـه

مايلومـه كـود رجلـن مايبالـي ولايعرف من البنـات إلا حضريّـه

ياإلهـي والله إن اللـي جـرالـي من سببهـا قالـب الدنيـا عليّـه

بـس أفكـر وأتخيلهـا لحـالـي وأتغنـى بالـحـروف الابجـديّـه

وياإلهـي والله إن العقـل سالـي فـي محبتهـا ولا فيهـا خفـيّـه

كيف أخفّي عشقها بنـت الرجالـي بنت بدو(ن) ليا وصلنا الصامليّـه

كاسبين المـدح والمقـدار عالـي والشجاعه ساسهم وأهـل الحميّـه

يابدويـه فدوتـك ماكـان غالـي الذهب مـع مصنعـه كلّـه هديّـه

وإن وصفتك كيف أوصّف هالجمالي الخـدود الناعمـات النرجسـيّـه

وعينك أقرب حليها عين الغزالـي والخشم سيف(ن) ومايـل مقدميّـه

والحجاج مقوّس(ن) مثل الهلالـي والشفايف مـع بعضهـا دائريّـه

والشعر وأقسم لك بـرب الجلالـي إنه ليا ساقهـا أو يقصـر شويّـه

والخصر وإن قلت شكله وش يحالي شكل خصرك مثل شكل المزهريّـه

كامله والكامل الله وش بقـى لـي؟غير أقول إنـك صراحـه عالميّـه

وابتليتي قلب عاشـق لـه ليالـي ينتظـرك ولا علـى قلبـي زريّـه

ومن يلوم اللي عشق بنت الرجالي ابـدوي(ن) ويتـغـزّل فبـدويّـه



واتمنى لا يحد ينظر لها بمنظور المتعنصر للبدويات
لان الجمال في كل الطرفين وهذا مجرد مبالغة شاعر بس اعجبتني
وهذه القصيده للشاعر :عامر الشيب

وسلاااااااااااااااااااااااامتكم

ومن راح مني قـلت يا عله مصيب
..................دورت له عذر(ن) كريم وعذرته
للي يبي بعدي انا ماني قريب
............... اما ربحني ولاانا مـاخسـرتـه
قلبي خويي مالقلبي معازيب
..................واللي حقرني من رداه احتقرته
رغم الجروح اللي بقلبي معاطيب
............ حبيت كفين الزمــان وشكــرته

ياقلبها
يا..من..عرفت..الحب..يوما..عندها
انى سكنتك.. ذات يوم
كنت بيتى..
كان قلبى.. بيتها