ياعبيد

لاشــفــت دلـو(ن)فــيــه فـتـق(ن)وشـقــا=اعــرف تــرى الـمـاء مايـجـي وافـيـاً فـيـه
ولاشـفــت حـبــل السـانـيـة فـيــه دقـــا=اخــذ الـحـذر مــن قـبـل تقـطـع مثـانـيـه
ولااوحــيــت جرح(ن)بالمـعـالـيـق لــقـــا=اعــرف تـــرى مـاعــاد يـنـفـع تـداويــه
والـجــرح لامــنــه بــســم (ن)تـسـقــا=حــم الحـديـد الـصـلـب بـالـنـار واكـويــه
والـظـلـم لامـنــه لـبــس ثـــوب حـقــا=لابـــــد مـاتـخـلــع ثيـاب(ب)تـغـطـيـه
ومــن طــق بــاب الـنـاس بـابــه يـطـقـا=فــي خـيــر والا بـشــر ربـــه يـجـازيـه
وماصـابـكـم مـاخـطـاك مـهـمــا تــوقــا=ومااخـطـاك ماصـابـك ولــو صــاب رامـيـه
روم الـمـعـالــي يـاعـبـيــد وتـــرقـــا=بالـعـلـم والايــمــان تــاصــل لـعـالـيـه
والصـالـحـات اخـيــر يـاعـبـيـد وابــقــا=ادي حــقـــوق الله ولــبـــي مـنــاديــه
وعـــن لازم(ن)يـلـزمـك حـرصــك تـتـقـا=لاخـيــر فـــي رجل(ن)يـخـلـي عـوانـيــه
وفــي عـشـرة الانـــذال حـرصــك تـهـقـا=كـــم واحد(ن)بـالـنـذل ضـاعــت هـقـاويـه
وحـرصـك وراء المـقـفـي تـصـيـح وتـنـقـا=مــن باعـكـم بـالـرخـص بـيـعـه بغـالـيـه
وســـط الـمـجـالـس لاتــهــرج وتـلـقــا=اصـمـت تــرى ان الصـمـت مـيـزه لراعـيـه
والـيــا هـرجــت اهـــرج بلـطـف(ن)ورقـا=وافـصــح لـسـانـك لاتـجــي لكنـة(ن)فـيـه
ان انـكــر الاصـــوات صـــوت الـنـهـقـا=وفــم الـرجــل واحـــد وثنـتـيـن اذانـيــه
بـعـض الـعـرب بـالـوزن مـايــوزن اقـــا=لـكــن بـفـعـل الـطـيـب تـنــدأ ايـاديــه
وبـعـض الـعــرب دمـــه كـمــا دم بـقــا=دمـــــه ثـقــيــل وبـاردات(ن)عـلابـيــه
وبـعـض الـعـرب مـثـل الـذهـب لــه تشـقـا=اتـعـب عـلــى الـطـيـب الـــى ماتـلاقـيـه
ياعـبـيـد هـــذا واعـــرف الـلــي تـبـقـا=حـــق الــجــوار وضـيـفـكـم لاتـخـلـيـه
هـــذا كــــلام ابــــوك قـول(ن)مـنـقـا=قول(ن)قـلـيـل وزبـــدة الـهــرج تـكـفـيـه
لـــولاى مـااكـتــب بـالـقـلـم عـالـورقــا=وامـلـي هـواجـس خـاطـري يـــوم تـاتـيـه
شــب الـحـشـا فـــي داخـلــي واحـتـرقـا=لــولا بـيــوت الـشـعـر لاشـــب تطـفـيـه
وصــلاة ربـــي عـــد مـاالـنـور شـقــا=عــلــى نـبـيــاً تــمــم الله مـسـاعـيـه