بسم الله الرحمن الرحيم
احم احم
الصراحه صارت لي رغبه ان اكتب هذا الموضوع
للقناصه وموسم الصيف انتهى تقريبا ويانا الشتا
واهل القنص جهزوا العده ( العزبه - والبنادق- والفشق-وغيرهم )
شرايكم فيني خبره بالقنص..شكلي قريب بشتري شيهانه
نكمل الموضوع هذا راح نذكر في مواسم عبوور الطيور مثل الفري والدحاريج والقطا وغيرهم
بس لازم اجمع صور عشان الموضوع يحلى ويصير احلى الله يخلي قوقل .. نبدا معاكم يا فديتكم
نمشي خطوه خطوه
(1)
نبدا بالفري الا اهو ( السمان )
يبدا بأواخر شهر8 على مدخل شهر 9 لمدة شهر ولحق وما تلحق بس لا تنسى تجهز كشافك وجهازك عشان الصيد يحلى وعلى فكره تقدر تربيه بالبيت احنا عندنا :)
(2)
الكروان
يبدا بالعبور من نصف شهر 9 لآخر الشهر بس للأمانه سألت عنه ما يمدحون طعمه
ولا شرايكم .. ترا ياكل سحالي وحشرات وفيران وجبان ويخاف ..
(3)
البط
يبدا بالعبور من شهر 9حتى شهر 3 تقريبا الشتا كله موجود بس عاد ان طبختوه انطروا عليه
ترا طبخته تطول شوي لا تحسبون انكم تطبخون دجاجه
(4)
الحمام البري او القمري
ويبدأ بالعبو من شهر 9 الا تقريبا نهاية شهر 10 وطعمه بالنسبه للقناصين ميه ميه حسب معلوماتي لانه اكله نفس حمام البيت الشعير او العشب ولا شرايكم
(5)
البصو
نوعه ما يطول يبدا بالعبور في اواخر 9 وفجأه يختفي ما يمديك تصيد ولمعلوماتكم في منه اكثر من 25 نوع
(6)
الحبارى
تبدأ من اوخر 9 وتستمر قاعده حتى ينتهي الموسم هذا مسكينه اذا كانت بأمان بصيف لمعلوماتكم الحبارى عندها سلاح ضد الصقر يفرز منها اذا جاهاالصقر وعقبها ينتف ريشه ويمرض وعليه السلام (( أمانه مو خبره )) بس يمدحونه بالجمال ويقولون على حسب سمعي
اذا بغيت تشوف عزم طيرك هده على حبارى ولا انا غلطانه ما ودكم بالسبب لانه الحباري طائر يراوغ وتقدر يتخفى عن الصقر
(7)
الكركي
يبدا موسم عبوره في نص شهر 10 حتى بداية شهر 11
(8)
القطا
أنواع راح نذكرهم ولمعلوماتكم ترا القطا ابو قلب طائر حذر لابعد الحدود يتلفت دايم ولاحظوا يالقناصه ما ينزل الارض اذا شاف سياره ذكي واذا تبون تصيدونه اطلعوا بعز الشمس تلقونه يدور الظل تحت الشجر وععطه بشوزن واسدحه وخلصنا وذا بليل الله يخلي الكشاف
1-القطا الأحمر
يبدا بالعبور من نص شهر 11 حتى نهاية الربيع
2-القطا الكدري
يبدا موسمه من اواخر 11 حتى شهر 2
3- القطا النغاق
يبدا العبور من اواخر شهر 12 لين يخلص الربيع
(9)
الدحروج
1--الدحروج الأشهب
يبدا عبوره بداية شهر 11 حتى نهاية شهر 3
2- دحروج بو طوق او بو زهيره
يبدا عبوره في نص 3 حتى نهاية الشهر
على جذي يا جماعة الخير قلت الي عندي والدور عليكم اى واحد فيكم يعرف معلومه عن اى طير ما ذكرته وموعد عبوره يدرجها بالموضوع حتى يستفيد الكل ويا ليت صوره معاها واى معلومه خاطئه صححوها لي
اتمنى اني وفقت بشرحي للموضوع
آخر المواضيع
مواسـم العبــور للطيور 2008-2009 للقناصه في البدو 
رد : مواسـم العبــور للطيور 2008-2009 للقناصه في البدو 
