يالكحيلـه خبريهـم وش لقيتـي=يوم فاز القلب واعلنكم بربحـه
ثم تربعتي وحيـده ثـم بنيتـي=يوم شريان المحبه جـاه فرحـه
والسعاده رفرفتلي وسـط بيتـي=حزتن فيها عدوي جـاه ذبحـه
عاظنا الله يالكحيلـه واهتنيتـي=والحسود اليوم مطعونن برمحه
باطلبك يادرتي مهمـا سويتـي=والحمل عندي مااعده وزن قمحه
يانجـوم الليـل لامنـك بديتـي=نوري له بالسعاده درب شبحـه
وعاهدينـي يالذيابـه لاعويتـي=تزعجين اسم الكحيله لين صبحه
ويالذياب الجايعه لامن عديتـي=اذبح اللي يزعج العربان نبحـه
ياشرار الخلق منا لـك هبيتـي=تاخذون من الكلام الشين قبحـه
ويالشياطين العتيـه مـا قويتـي=كسبكم بين العرب فشله وقمحـه
آخر المواضيع
باطلبك يادرتي مهمـا سويتـي 
