بسم الله الرحمن الرحيم
السلام عليكم ورحمة الله وبركاته
اسعد الله جميع أوقاتكم بكل خير
قصيــدة مشهورة لشاعر كبير ومعروف / بندر بن سرور العتيبي (رحمه الله)
وايضاً أورد لكم مجاراة للقصيدة من الشاعر/ محمد بن مخلد الذيابي العتيبي
يالله يـا جـال الأمـور المهمـه=تجلي وهق قلب برى حال راعيـه
البر دجته والبحـر رحـت يمـه=أدرج سبب حظ على الله مساعيه
يوم إن ولد اللاش رزقه على أمه=رزقي على إللي ميت القشع يحييه
ماني وأنـا بنـدر ببيـاع دمـه=يقطعك يا بيـاع دمـه ومهفيـه
إللـي يبيـع لابسـات الأزمــه=ثور يبي بيض العماهيـج تغنيـه
يزعل ليا جت ليلة الـدول يمـه=يرضى بسوق المال باخيه وأبيـه
خطو البخيل إللـي يكبـر معمـه=يقرى الكتاب وواجب الله مخليـه
أما هرج له فـي رفيقـه بنمـه=وإلا عطا وأمه تضيـع هقاويـه
يا مل قلب كل مـا مـات همـه=دارت دواليب الدهر ليـن تحييـه
فراق شمل النـاس عيـا يلمـه=وقت يشيب الراس من شاية فيـه
أحد(ن) ينام وحط راسـه بكمـه=وأحد تخم النوم عينـه وتخطيـه
وأحد يحاول بالردى بنـت عمـه=وأحد يحاول ستر عـذرا عوانيـه
تخالـف الأنظـار شـرق ويمـه=كل هدف رايه من الناس مرضيه
أنشدك يإللـي كـل شـي تتمـه=تقرى الكتاب وكل فرض تصليـه
ويش القليب إللي عميق مجمـه=ما سر غرسه ماه عطشى سوانيه
سم السبب يا عارف عنه سمـه=سم السبب يا عارفه قبل أسميـه
قصيــــــــــــدة الذيابـي:
يا الله يا جال الأمـور المهمـه=تجلا وهج قلب همومـه تعريـه
الهم سم القلـب والحـال سمـه=والحـزن فيـه بينـات مواريـه
يا بن سرور إللي رقا فوق قمـه=زيا إللي كلامك بين مـن معانيـه
الوقت أذمه وأنت مثلـي تذمـه=أنته وأنا نرسل عليه المشاريـه
يا كثر ما به من وجيـه مخمـه=ولا عاد تلقى به خـوي تخاويـه
صارت رجاله فيه من غير ذمـه=وكل يصيح أو يشتكي من بلاويه
أحد على ربعه يجيـب المطمـه=وأحد لهم مثل المطر من مناشيه
وأحد رفيقه طيحتـه مـا تهمـه=وأحد رفيقه جرح وقتـه يداويـه
ماني وأنا الميم بتبـاع خمـه=والنذل ما أحبه ولا أجي تواليـه
ويقطع بخيل دوب رزقـه يلمـه=ثور من النعمـة كبـار علابيـه
والخال يقعد لـو بناخيـه رمـه=ويقطعك خال ما يسنـد بناخيـه
وأنشدك يا اللي لك علـم تضمـه=ويش الصويب إللي نحبه ونغليـه
ما يشرب الماء والهوى ما يشمه=دايم مع الشعار لو مـا تناديـه
تقبلوا خالص تحياتي وتقديري
مغليكم
راعي الرايـــ (فراج بن عون) ـــــه ،،، 
آخر المواضيع
بندر بن سرور + محمد الذيابي 
