دواسر أل زايد قصيدة (( الزايدية )) للشاعر ناصر السعيد

بدينا بسم رب الاكرمينا = وهو خير البداية لا بدينا
كريم يغفر الزلات عنا = اله الكون رب العالمينا
ألا هي خالقِِ ٍ كل البرية =جميع الخلق مخلوق ٍ بطينا
ولا نفخر على غير المفاخر = وهو عيـب ٍ على اللي فاهمينا
ولكن الله اللي عز خلقة = إلى صار الفعل يوصي الجبينا
كفا فخر العرب دعوة محمد = وهو خاتم جميع المرسلينا
أشوف إن العرب عزي وتاجي = قبايلهم على ساس ٍ متينا
وأخص اللابة اللي بالمعالي = يرومون المراجل صاملينا
أخص أولاد زايد عزوتلي = كرام من كرام طيبينا
اسود ٍ للعدى يوم الملاقى = والى جا الضيف حنا مرحبينا
وانأ قد هاضني ما قال مطلق = إلى منه نخانا وانتخينا
ينادي وين شعار الدواسر = وهو يأمر وحنا جاهزينا
يبي يلقا من الشجعان ربع = يهدون الجبل خطل اليدينا
ألا يا أولاد زايد يافخرنا = هزابير إلى منا اعتزينا
ألا يا اللابة اللي من نصاهم = يفكونه من اللي غادرينا
ألا يا الغزوة اللي لا تعزوت = تهز اللي سكن في طور سينا
ألا يا عزوتي يا أولاد عمي = مقاديح على اللي قادحينا
ألا يا العزوة اللي من غضبها = ترج القاع لين انه يلينا
ألا يا العزوة اللي من سمعها = يعرف إنا عليها مقدمينا
إلى منا ضربنا با لهنادي = نبيع أروحنا لا ما شرينا
نقود الخيل في وسط المغازى= ونرسى مثل ما ترسي السفينا
خلقنا الله ستر للعذارى= نرد الحق بالسيف السنينا
على ظهر اشهب الذيل المسلسل= مرابطنا لها حنا جنينا
نقود عنانها يم الصعاب= ولا يوم عن الفزعه ثنينا
يروم المرجله ليث غضنفر= ولا رام المراجل نايمينا
بنينا المجد من عهد قديم = ملوك لليمن جد لابينا
ملكنا باليمن ملك الجبابر= تربعنا على عرش مكينا
كريمين مثل ماء السماء = شبع من جودنا اللى ممحلينا
تعودنا على طبع المكارم = الى جا الضيف نذبحله سمينا
لو انك في ظلام الليل ساري= يدلك صوت نجر له رنينا
تدلك ريحه البن اليمانى = الى صبت على فنجال صينا
نقوم بواجب اللى قد نصونا = وهذا سلمنا وفرض علينا
وحنا بالمرجل قد مشينا = على سلم الاوائل مقتدينا
وانا يوم انى امدح بالدواسر = منيب انقص حقوق الاخرينا
ولكن افتخر بفعول ربعى= يشد القلب لربوعى حنينا
مثل بل تحانت بالمفالى = غروب الشمس فى روض حسينا
مجاهيم من اذواد الدواسر = عليها وسوم قوم واصيلينا
انا من لابه كعم المعادى = يردون العدا بسيف شطينا
مفاخرنا مثل سيل عرمرم = يشق القاع له حفر ودفينا
مفاخرنا كما خيل اصيله = الى فكت ضعون قاطيننا
مفاخرنا مثل ضلع تعلا =على الضلعان فوقه شارفينا
مفاخرنا مثل روس الحيايا = تزج السم للى معتدينا
مفاخرنا تعرف الناس مدة = تبين فعولنا لامن غزينا
مفاخرنا مثل شمس تشعشع = تبج النور للى مضلمينا
ما فخرنا مثل نهر تدفق = مشا دب الدهر وسط البطينا
مفاخرنا كما برق تلالا = يحط الليل نور مستبينا
مفاخرنا كما ضرب الصواعق = تهز القاع واللى ساكنينا
تربعنا على عرش المفاخر= كما عرش الملوك الحكيمينا
خذينا المجد بافعال كثيرة= ولا تخفى على اللى فاهمينا
خذينا المجد عهد الاوائل = ولازلنا على السيرة بقينا
تفرعنا من الازد ومشينا = على روس المعالى قد سمينا
نصرنا دعوة محمد نبيه = وهو خير البريا المصطفينا
لنا فى مارب مجد وحضارة= جميع الناس فيها عارفينا
انا دوسرسليل المجد جدى = وهو جد الدواسر اجمعينا
تسلسلنا من جدود عربيه = مثل وضح النقا اللى فطينا
اصول واضحه مثل الثريا= ولا تحتاج نشدة باخصينا
اصول تتفق فيها البريه= ولا عنت جميع الناسبينا
ولا يوم تخالفنا عليها = جميع الناس فيها شاهدينا
تجلت بالتواريخ القديمه= تعرف سنودها وموثقينا
ولا ثبت كلام ما يوثق= يصير الهرج فى رحنا وجينا
والى منك رجعتا للمصادر= يبين الحق عند الاحثينا
يقوله واحد يقرا ويكتب= وابو جدة من اللى دارسينا
تراى زايد له ابناء كرام = صهيب وسالم اللى معتلينا
وسالم له من الابناء اربع= بنو مجد على مجد رزينا
وهم بدران كساب الجميله = هل الطولات والفعل المبينا
بعد بدران ودعان المفاخر = تبن فعولهم لامن نخينا
بعد ودعان رجبان الشجاعه = هل الفزعات لامن نوينا
ورابعهم منيع لااعتزينا = مخازيم كعام المعتدينا
بعد صهيب من اولاد زايد = شجاع من مقام الاشجعينا
لهو من جمله الابناء خمسه = حرار بالملاقا عازمينا
وهو جرى السعادة والمعالى = لهو ابنين اسد واثبينا
مساعرة الوفا والطيب شارة= يردون الغزاة المعتلينا
وانا منهم كريمين السجايا = ولا نرضى المذله والغبينا
بعدة بريك رمز للمكارم = حلاحيل سندنا لارمينا
جرى بعدة يجى حسن المزايا=حسن درع النشاما الغالبينا
هم الفرجان وشكرة المفاخر = مع العمار جمع رادعينا
بعده أولاد عيسي يا شرفنا = شرافا للنوايب محتمينا
بعد ه أولاد موسي من صهيب ٍ = حراجين الشجاعة قايدينا
بعدهم غيث غيث العز كله = غيثات المكارم سابقينا
يجي للقوم مقدار ٍ وهيبة = الى صاروا قروم ٍ ما ضيينا
وانا ربعي لهم قدر ومكانه = على فيض المكارم شا رعينا
رقينا فوق هامات المعالي = وصرنا في رباها نازلينا
خذينا بالمغازي كل طوله = مع ابن قويد حنا الغانمينا
نقود المجد بحبال الشجاعة = نرد الصاع للي طامعينا
جزاك الله ياخيل الدواسر = وشبان عليها عاسفينا
جزاك الله يا خيل أصيلة = على كثر المغازي تصبيرنا
صبرتي والصبر مر ٍ مذاقه = على نار الملاقى تصطلينا
يقودونك رجال ٍ ما تهابي = على حوض المنايا واردينا
مثل ما تارد اذواد الدواسر = على أبو جفان في قيض صخينا
عسى الله يحفظ رجال الكرامة = صناديد لنا درع حصينا
تري فعل الدواسر ما تغبا = يعرفونه جميع المنصفينا
الى جتنا جموع مستبدة = تصير جموعهم مثل الطحينا
الى منا نخينا اولاد زايد = تبن فعولهم والله تبينا
مثل مزن ٍ نخاه البرق لحظة = وجاوبه الرعد قدح وطنينا
وهم فرز الوغى عطب النواظر = ليوث ٍ للشدايد مر تكينا
مثل ما يرتكي ضلع صميدع = على جور الهبايب و السحينا
ترانا من ليوث ٍ مستعدة = على درب الشدايد قد ضرينا
لو ان الخيل تنطق والهنادي = تقول ان الدواسر طايلينا
لو ان جبال نجد ٍ والجزيرة = تحرك كان تبصم ما حكينا
لنا كون ٍ الى من ثار عجه = يطيح اللي لجا بامه جنينا
حمينا ديارنا من كل طامع = وردينا جميع الطامعينا
غرسنا في بساتين ٍ جميلة = وحنا من قديم غارسينا
غرسنا الوادي اللي تعرفونه = وغيره من ديار ٍ كالعرينا
نحب ديارنا حب مبجل = لانا في مفاليها نشينا
يقوله واحد منهم وفيهم =كلامه كنه الدر الثمينا
ولا يتعب على نظم القوافي = شربنا من بحرها وارتوينا
الا يامسندي ود الرسالة = الى ربع ٍ كرام ما جدينا
تخير بالمواتر ما تريده = جديد ٍ بستمه مثل المكينا
جديدة تقطع الفرجة بساعة = وكالتها عليها ضا منينا
الى منك مشتا من جلاجل = جنوب ٍ يمتك والله يعينا
على وادي الدواسر عند ربعك = بني عم ٍ لهم حنا انتمينا
الا يا مسندي بلغ سلامي = عدد ما يفطرون الصايمينا
عليكم عد ما ذعذع هواها = سلام ٍ للربوع الخيرينا
عليكم يا بني عمي سلامي = تحية من ليوث ٍ ضاريينا
من ديار الشعيب وما اشملتبه = الى ديار القصيم الاجودينا
واعم سدير والمحمل واهلها = على الزلفي الى الغاط احتوينا
سلام ٍ وافي ٍ ضافي منقا = مثل نقد الذهب للي فطينا
ترانا في مقام الجود نرسي = كما ترسي السفينه وسط مينا
نهلنا من ينا بيع الكرامه = مثل شرب الهيام العاطشينا
جموع تعتزي بالزايدية= الى منه دعا عضو دعينا
لهم في صفحة التاريخ ما قف = عنة فعول النشاما كا تبينا
لهم فعل ٍ ينومس من زبنهم = ومنهم في حماهم ساكنينا
يردون المشوك بالمشوك = ولا يخشون كيد الكا يد ينا
ولا ننسي الحلوف اللي قديمة = ولا زلنا عليها ثابتينا
مثل ما تثبت جموع الجزيرة = على التوحيد والعلم اليقينا
مثل ما تثبت جبال رواسى= وهى مدهال قوم زابنينا
وانا قد هاضنى ما هاض غيرى=من الشعار وعلوم تجينا
والى جاك السهم من فزعتلك= يصير الجرح بالخافق دفينا
لنا ربع عزيزين علينا= لهم قدر ومقام ما بقينا
لنا ربع لهم بالقلب مسكين= بنو تغلب ربوع اكرمينا
مقام الجود يا عز الرفاقه = على درب الشجاعه كاسيرينا
لهم في قمه الامجاد هامه = رقو في معتلاها صاعدينا
الى نالو ننال الطيب معهم= جميع المفخرة فيهم وفينا
والى نلنا ينالون المفاخر= ولا تقصير يمينا عن يمينا
تعاونا على كسب الجمايل = نقود خطامها رحنا او غدينا
ولو لا فعولكم يا اهل الشهامه=ومجد من عصور الاولينا
ولولا الطيب والفعل المعنعن=وعلى درب المعالى ما التقينا
ولولا طيبنا والمجد فينا=وانا للشجاعه محتسبينا
وانا بالملاقا ما نهابى= نرد الكيد للى كايدينا
لما صارت يديكم في يدينا = على درب الوفا متعاهدينا
جمعنا المفخرة من كل يمه= وصرنا في بحرها سابحينا
واختم القاف في تالى مقالى = صلاة الله على السيد الامينا
نبي دعوته يوضى قمرها= تدل الناس فى دنيا ودينا
عليها تجتمع كل البريه =على نهج الهدى متراحمينا

رفْقة رديّ المعْرفه بعْتها دَيـن=على زبونٍ ضَمّها واحتضَنهـا
بغى يجيني بالثمن قلت : بعْدَين=أمسك فلوسك لين ننشدْك عَنْهـا
ما بعْتك الاّ سلعةٍ يا احْمر العين=أبيعهـا وأبيـع حتـى ثمنهـا
والله ما ابا فيها ثمن لوّ قرشين= بسّ المهم انِّي تخلّصْـت منهـا

للشاعر/ رشـيـد الـزلامــي

يا غير مسجل نرجو منك دخول هذا الموضوع

http://www.albdoo.com/vb/t30010.html

اررررحب يالدواسر يال زايد=جزاله وفخر واخبار السنينا
عزّ الله قرم وقروم ربعك=مطاعين(ن) على الخيل الصفونا
وبعد ناصر جزل والموج هايج=بحر ياالمسعري وغيرك سفينا

عن بلال بن يسار بن زيد مولى رسول الله صلى الله عليه وسلم عن أبيه أنه سمع النبي صلى الله عليه وسلم يقول: « من قال: أستغفر الله العظيم الذي لا إله إلا هو الحي القيوم وأتوب إليه غفر الله ذنوبه وإن كان فر من الزحف » [ رواه الترمذي وصححه الألباني ].

محو الذنوب باذن الله