ياللهِ ياعالمٍ خفى قلبٍ وضلوع=يا راحمٍ عبدك ومرسِل سحايب
يارب ياعالـم علـى كـل موضـوع =يـارازق عـبـدك كبارالوهـايـب
ابي امدح رجال(ن) فعايلهم طلـوع =شمر الا من جيـت اعـد القرايـب
مدحت ربعي اللي مِنهُم الذيبِ مسلوع =والذيب ماهمه كبار النوايب
هلابهم ماغابت الشمـس وطلـوع =وعداد ماسال المطر مـن سحايـب
كل الطنـــايا لابتي جمع وربوع=وساع الطعون معطبيـن الظرايـب
سلامٍ ياللي فيهم الطيبِ منقوع=ســـلايل قُـــومٍ ماتَهـــــَاب الصعايب
إعيال عمي فيهم الراسِ مرفوع=ذباحة العايف ملوك الركـــايب
ذولا بني عمي وبالطيب ينبوع= ودروبهم للمجد مابه عوايب
لهم غلا في داخل القلبِ مزروع=ينساب مابين الشرايين ذايب
من منفذ الخفجي لهم صوت مسموع=وبالاحمدي لهـم نسيـم وهبايـب
لاجيت للجهرا تراحيـب وشمـوع=من طيبهم شفنـا كبـار العجايـب
ينصاهم اللي من عنا الهم مفجـوع=ماقيل احـد جاهـم وردوه خايـب
ابا اعتذر من مدحكم قـل ياربـوع=تستاهلـون المـدح كـل القرايـب
وختامها صلوا على خير مشفـوع=محمـد نبـي الله جـزل الوهايـب
آخر المواضيع
الطنايا لابتي -- بقلم / محمد بن حدري 
