للصـــبر حد .. ووحشتك مالها حـــــــــدود !!

للصــــبر حد .. ووحشتك مالها حدود= ياللي غـــلاك أصبح مع الوقت عــاده
أشتاق لك مع سايق النفح والنـــــود= وأوله عليك أكثر .. واحبك زيــــــــاده
وأتووق لك عن كل زايد ومــــــزيود= وأطهـــر من شعور الملل والنكاده
أنتي غلاي وسيـــّـدة كل منشــود= لك داخلي .. دوله وعسكر وقـــاده !!
فيك الحسن يعطي مواثيق وعهود= ويوصلك حد الهيـــــــمنه والريــاده
وفيك الدلع يروي معاليق وكبــــود= وتطغى عليه مع الجمال الركــــاده
والخصر جــايع وأكسل الرمش محسود= يصيد صيـــــد .. ومستحيلً مصاده
والسايب اللي كنه الليل مســــرود= ليلً كســـى لليل السهر من سواده
والثغر يحوي له من العقد منظـــود= بين الكــــرز مصدر طموح وسعــاده
سكــّـرك .. لوحلو به الطيب والجود= صار اكثر العالم عليه الأشـــــــاده
نونك عنب يسلب من شفاك عنقود= وواوك عيونً ذابحتها البــــــــــلاده
وباق الأسم حاضر مزايا وموجـــود= وياخذ من حروف الفخر والسيـــاده !
كلي على لاماك ضايق وملهـــــود= شوقي تعب .. واركان وصلك عياده
يانرجسيــّه ماورى صدتك فـــــود= ولالك بتغريبــــي عليك استفاده
شــــاعرك لو حطوا به اغلال وقيود= ياصلك .. لو دونك تكون الاِبــــــاده
دام الغلا بأطراف مغليك ممــــدود= ماهمني جيش الزمن مع عتـــــاده

ماني من اللي يرخص النفس لا ضاق=ولاني من اللي يرخص اليوم غالي
سبحان ربي كرم النفس بأخلاق=الطيب عمي ومصدر الجود خالي
واللي يبيني يمه الروح تنساق=واللي سلاني عنه القلب سالي

ومن راح مني قـلت يا عله مصيب
..................دورت له عذر(ن) كريم وعذرته
للي يبي بعدي انا ماني قريب
............... اما ربحني ولاانا مـاخسـرتـه
قلبي خويي مالقلبي معازيب
..................واللي حقرني من رداه احتقرته
رغم الجروح اللي بقلبي معاطيب
............ حبيت كفين الزمــان وشكــرته