السلام عليكم ورحمة الله وبركاته
شاعر علم من أشهر شعراء نجد في النصف الأول من القرن الرابع عشر
الذين ذاع صيتهم فاردد الناس أشعاره وتغنوا بها
ولد الشاعر سنة 1300هـ . في ( عين ابن قنور ) بمنطقة السر
وكان منزل والده فيها الى وقت قريب
كان يتردد على منطقة القصيم للبحث عن عمل ومنطقة الوشم لزيارة أقاربه ، كما تنقل في مناطق أخرى كالكويت حيث كانت له فيها محاورات مع شعرائها ، وقد برز في شعر الرد كما برز في الغزل والهجاء والمديح والرثاء حتى حظي بشهرة كبيرة ، وله محاورات ومساجلات عديدة مع بعض شعراء عصره مثل : صقر النصافي ، ومرشد البذالي ، وعبدالله بن دويرج ، ومحمد بن ناصر الناصر ( الحريقي ) ، وعبدالله اللويحان ، وعبدالرحمن بن ناصر الشريم ( في الكويت ) ، وسعد بن هدلق ، وسعد بن عبدالعزيز البواردي الملقب ( ابن دريويش ) ، وعبيّد بن سويلم الملقب ( الديدب ) ... وغيرهم . وتوفي رحمه الله في بريدة سنة 1363هـ .
وهذه قصيدته المشهورة في الحصان والرجل الطيب والتي تغنت بها الجزيرة العربية :
البارحـة مـا ذاقـت النــوم عينــي=هــمّ بتنجيــم بفـكــر بهـوجــاس
وأصبحت من غبّ السهـروالونينـي=جسـم برمّـة مجـرم!!عنـدحبّـاس
صبرت ليـن الصبـر بيّــح كنينـي=ولا شفت لي من جملة الصبرنومـاس
شابت عوارض لحيتـي قبـل حينـي=وقنعت من عقب الفوايـد بالإفـلاس
دنيــاك هــذي تفجــع الغـافـليـنـي=تـرفع ذنب وتطمّــن المتــن!!والـراس
تبدّلـت هـرج العـرب بالرطينـي=وقامت تجنّس لي على سبعـة أجنـاس
رخص الحصان ورخصـوا الطيبينـي=وغلي الحمار وما إشتبه له من النـاس
وقام الـردي يدحـم بجنـب المتينـي=وابن الحموله قام يمشي مـع السـاس
وقـلّ الرفيـق وقلّـوا الغانميـنـي=وكثر الحسد وأهل النمايم والأنجـاس
وشان الزمان وشان وجـه الضمينـي=وتغيّـرت كـل الطبايـع والألبـاس
والمال صـار مـع المـره والدوينـي=والطيب راح وقطّعت عنـه الأرمـاس
وخليت كفـوف مدلّهيـن الحزينـي=واللي تورثّهم شعـر سـاق حسـاس
والذيب جـاع وكـل ثـور بدينـي=والحر برقع وأبـرق الريـش فـرّاس
وذلّ الجسور وكـلّ.حـد السنيني=وتكشيف عرض الناس هو سهمة الناس
والمرجلـة نسخت مع المارتيني=وتعوّضوا عنهـا بخوصـه ومكنـاس
وصار الردي يحشم.مـع الحاضرينـي=والراس ديس وخدّم الحر أبا الحـاس
وصار الصديق هـو العـدو البطينـي=يشرف عليك ويصبح الصبح بـلاّس
وطرد الهـوى بختـوا بـه المفلسينـي=شرّابـة المصفـاه طبّاخـة الـفـاس
وختـام قيـلــي أيهـا السـامعيـنـي=صلـوا على المختار مـا هـل رجّـاس
والآل والأصحـاب والتابعيـنـي=عد النبات وعد حصحاص الأطعـاس
الشاعر/ سليمان بن ناصر بن سليمان آل شريم
آخر المواضيع
من أشـهــر شـعــراء نـجــد 
