هذه مبارزة شعرية بيني وبين المهاجر أنقلها لكم من إحدى المنتديات أتمنى أن تنال إعجابكم
((الرحـــــــــــال الترباني))
مهاجر إنشد بالقصيدة وأنا أعطيك=حروف شعر(ن) تفهمة بالمعانـي
أنا (حصيني) أطرق القاف وأخفيك=ببيات شعر(ن)تصعقـك إبثوانـي
=====================
((المهاجر))
أجر القلم بعلوم الرجاجيل إن كان يعنيك=وأهيل بالشعـر دلـه ونـت فنجانـي
(آل الرشيد) إن هبت النار صاحوا لبي=هل الجـود والنخـوه عالـي الشانـي
======================
((الرحال الترباني))
بقصيد فكري أنثـرك وأراويـك=وشلون تكتب بالقصيدة وتعاني
أنا بحرفي أفتح النار وأصليـك=عذاب شعري يعرفة من عصاني
=====================
((المهاجر))
يا( ذنيب) قافي يبيعك ثم يشريك=واليوم انا للقنص بَشمِّر إردانـي
عياري ثقيل(ن) و انا به برميـك=ونـابـي بـروقـه لـلــي تـحـدانـي
=====================
((الرحال الترباني))
مهاجر إهجد بالقصيدة ترى أذيـك=علومي صقر (ن) حايم(ن) بالمكاني
أسمع كلامي وإفهم الشعر لعميـك=بسيوف عز(ن) مثل حـد السنانـي
======================
((المهاجر))
إنهـزم ياذنيـب الله يهـديـك=وأطلع من النت فالعلم جانـي
أثرك تزحف للمـوت بيديـك=حمرا ذلولي وامراحها بهالمكان
=======================
((الرحال الترباني))
إمراحنا بالشعر وإن كان يرضيك=قرب ذلول(ن)لك وبقرب إحصاني
ويا ما طلبت الموت وقال ما بغيك=والموت ما ياقف بوجه الزمانـي
=======================
((المهاجر))
البارحه والقمرى ضيها يحاكيك=بنحر ذلولي للظيـف لاجانـي
ياالذيب الجوع قحقاح وش فيك=تعوي وما يعوي عندي إنساني
=======================
((الرحال الترباني))
ماني من الي بزالت القول يبغيـك=وماني من الي(وصفوه الأغانـي)
وماني من الي ينهزم لجل طاريك=وتعرف علومي زين عرف المكاني
========================
((المهاجر))
صيتي عجاج وبالشعر برويـك=يسري بعروقي ويروي الظمياني
كم سالت بحوره أمواج تاتيـك=والتاليه علم(ن)ياصلك وتعداني
========================
((الرحال الترباني))
أمواج شعري تاصلك وتعديـك=عجاج قافك إنثرة في العفانـي
ما ضنتي تقدر تجاري المهاليك=أنا بشعري أوطى حتى المباني
=======================
((المهاجر))
حنا هـل العوجـا ومـا نحتريـك=طوال اللحا مـا ننحنـي بالهوانـي
هنـوف نجد(ن)كحلهـا يسبـيـك=يساوي نحرها بنات شام(ن) وعماني
=======================
((الرحال الترباني))
هنوف نجد(ن) ما لها اليوم طاريك=وأنا على ما أقـول أرفـع بنانـي
لا تجر طـاري نجـد الله يهديـك=وخلك على قدك (تراني يامانـي)
((تراني ياماني)) المقصود بها صاحب اليد اليمنى الذي إذا أعطا أشبع وإذا ضرب أوجع
=======================
((المهاجر))
ماهقوتي يحصيني بنجدية(ن) تغليك=إترك رياض الغيد وعـود ياليمانـي
ليا كتبت اسمك للبيع ماظن تشريـك=لاحصل راس مالك فانـت كسبانـي
آل الرشيدالطنايا بنجدوأسودها تاطيك=أثرك درست تاريخك في جيزانـي
========================
((الرحال الترباني))
بإسمي وبإسم (تربة) بالسيف بعطيك=بسيوف عز(ن) ومن قالها تربانـي
وإن جبت طاري نجد في بيت لأعميك=بسم(ن) غراف(ن) ما لها اليوم ثاني
ما ينفعك طب(ن) ولا الموت يرضيك=لا واللـذي رتـب كلامـه بيـانـي
========================
آخر المواضيع
المبارزة الشعرية بيني وبين المهاجر 
