بسم الله الرحمن الرحيم
السلام عليكم ورحمة الله وبركاته
هلا وغلاا بالجميع هذه القصيدة كتبتها مع دخول الوسم .
وهي في شريط مبدعنا الغالي./ أبونواف ..الجديد الذي
يحمل عنوان (الخيمة تناديني) ..حياكم الله.,
":"
":"
للحفظ
":"
قـم ياولد زهب لنا جيب جقس آر=دام الوســم أقـبـل عـلـيــنا بـنـــوّه
وزهب معاميلي على شبت النار=ومن السمر زوّد لجل طيب ضوّه
يامحلا مـجّلاسنا جنب مجـمـار=وريح النفل غـطى على كل جـوّه
وحلـيب خلـفـة طـيـبة بـيـنـنا دار=بـكريـةٍ تـوّه على العشب تــوّه
وفـنجال صيـني ناقـعٍ بن وبهار=بنٍ على المـحـمـاس لا مـاتـشوّه
واليا طرى الشاهي له القرم بيطار= قم ياسعد سوّه على الكيف سوّه
وسط النفود اللي بها خوش تذكار=طعسٍ حمر توّه من الوبل توّه
فيه الثرى يلحـق ثراهـا بلاشبـار=مسقيه ربي من تباشير نـوّه
ودارت سوالف كلها طيب وأخبار=فيها الميانة ســايــده والاخوة
وهلت قرايحنا على ذكر الاشعار=حتى العليمي بالشعر قد تفوّه
واللغز جاء دوره على عصر الافكار=نرمي على عينه ولو قد تموّه
واليا رقـدنا مـانـسينا بـالاسحـار=نوتر وهاذي سنة أهل المروّة
مع التحية والتقدير
آخر المواضيع
بمناسبة موسم الامطار . أهداء لأخي . عنيد 
