السلام عليكم ورحمة الله وبركاته
هلا وغلااا بالجميع
نظرا . لانني لا املك صلاحية المشاركة في قسم الشعر العام.
احببت اشارك بهذه المتواضعة لعلها تنال ولو على جزء من ذائقتكم السامية .
واشكر الغالي. الشريف الوكيل . أبوفايز على دعوتي لهذا المنتدى الراقي بـ أهله
":"
للحفظ هنا
":"
البارحة والغلا طاحت مقاضيبه=والهم يشعب جماله يابري حالي
بسباب غـالي لنا مـدة نـمـاريـبـه=واليـوم اشـوفـه سبـب همي وغربالي
ياظرفِ ياللي تناطحني لواهيـبـه=ياوجد حالي على فرقاك يالصالي
امس الفـجـر ياثقل دمـه وتعذيبه=مغير اعدي قدم رجلي على عالي
واخذت لي فترةٍ اقنب كما ذيبه=واسمع صدى ونـتي خنجر وزلزالي
ياذيب ياللي تهيض في مراقيبه=ذبحتني يالخوي بالصوت طوالي
ذبحتني مع طعون الشك والريبة=ذبحتني مع مشاعر حزنها طالي
جرحي تفتق حزن والناس تدريبه=ياويل قلبي على فرقاك يالغالي
جرح الغلا يالمداوي كيف تطبيبه=جرحٍ فتوقه تورد لشهب اللالي
مايـنـفـع الطـب كـله مـع تراكيبه=جرح الغلا مايزيله غيره الوالي
منصور ليت الهمر زاهب ونسريبه=عن دار ماعاد تنفع لي بمنزالي
يم ديرةٍ مابها نسمة وتركيبة=وابيك تفطن الى من شلت موالي
ودي بديرة تعثر لي مكاتيبه=ياطيبها خالية من بث جوالي
ماعاد ينفع يصدّر لي تكاذيبه=ودي بديرة واقضي عمري الحالي
العود يامسندي نفذ مطالبيه=واحرص على بندقي والكيف ودلالي
انت الذخر والوفاء نهجك وتحريبه=يامسندي ياعضيدٍ طيب الفالي
والبارحة والصبر طاحت مقاضيبه=والهم يشعب جماله يابري حالي
وافر التحايا واعذبها
آخر المواضيع
البارحة والغلا طاحت مقاضيبه .. مصافحتي الاولى 
صح لسانك.....
