الله يسامح غلاك ويلعن الحاجه

غيبتك لو هـي دقيقـه تعتبـر صــــدّه= الوقت دونك سجن وغيابـك اسيـاجــه
لا تعتذر لي ترى ماعـاد فـي شـــــدّه=اعــيـد حـكي ٍ يكـود الصـدر مخراجـه
دامه يوصـف بجـود ابيـك وبجـــــــدّه=وشلون تبخل على المجروح بـعـلاجـه؟
ووشلون قـاوااك قلبك رده وصــــــدّه=مــع انـه بيّن عليه الضـعـف والحاجـه
ياقـو قلبـك بــرد ايـمـيـــنـــــك وردّه= بـخـلت بـمـصافحـه وارهيـت بحراجـه
لو ماسقى غيم عينه جرهـدي خــــدّه= تراه يـبـكــي وقــلـبـه يلحـق اخلاجـه
ولو شفته يمازحك تـراه مـن جـــــــدّه= الضــحك عن درب ضيق الصدر ماعاجه
غير الغلا والوله عليـك وش حـــــــدّه؟=يـــادرب لــيـلـه ويــامسـراه وسراجـه
كنّه يعرفـك قبـل يلقـاك مـن مـــــــدّه= مــع ان مابينـك ومـــا بـيـنــه امواجـه
هواك بـدو ٍ نـووا للقلـــب بـالشــــده= وريــاض قلبي لشوف البـدو محتاجـه
والوصل..بحر ٍ متى انت بتسبح ابمده=السيف صبري وبحرك شح بـامـواجــه
قصيدي اللـي قريتـه واللـي اعـــــدة=قديـم لا يزعلـك معنـاه واخـراجـــــــــه
وفراغ قلبي غلاك ارهى علـى سـدّه=ليتك تشوف الـــغلا وابراجـه وعاجـــه
اقوى رياح العـذل مـا تقـدر تهـــدّه=والا الجــفا لـــو تنفـــس هـدم ابراجـه
تغانـم الوصـل لـن البعـد لابــــــــدّه=ياتيك في يوم ثـم ياخـــذك بادراجـه
اللي لي انـك تليـن وتتـرك الشــــــدّه=واللــي لك اني ما سولف بـك لهراجـه
ولاني بزعلان واللـي نرتجــــــي مدّه=يا باب قـــلبـي ويـا قفلـه ومزلاجـه
زعلة تغلي ومـن تزعــلــــه مـن قـدّه= مـــا دام كـــل ٍ يبـي دربـك ومنهاجـه
غالـــي وتبخل عـلـي وتطّـول لصـدّه =الله يــسامـــح غـلاك ويلعـن الحاجـه