بسم الله الرحمن الرحيم
السلام عليكم ورحمة الله وبركاته
محاولة جديده اتمنى أن تنال استحسانكم ورضاكم
يا صاحبي لا شفتني يوم مهموم =ابيك تقربني وتبعد همومي
وإن شفتني والحزن بالوجه مرسوم = ابيك تنشدني وتاخذ علومي
وان شفتني بين الهواجيس مزحوم = ابيك تضفي جو كان امعدومي
وان شفتني تايه وفي بحري اعوم = ابيك تنقذني ليا صرت أعومي
وإن شفتني ضايق ولا عندي علوم = حاول تبعد ضيقتي لا تدومي
وإن شفتني من وضع الايام مشئوم = حاول تذكرني بربٍ رحومي
وإن شفتني فالشمس ما حولي غيوم = تعال ظللني سواة الغيومي
وإن شفتني والدمع بالخد مزكوم = امسح دموع العين لا احدٍ يلومي
وإن شفتني من قرصة الوقت مسموم = انثر على القرصة علاج السمومي
وإن شفتني طيرٍ مع جوه يحوم = ضاقت به الدنيا وعود يحومي
واصبحت منجومٍ ولا ني بمنجوم = من كثر ما افكر واعد النجومي
تعال شجعني ترى الحال مهزوم = والروح ضاقت بي وضاقت اهدومي
الهم قسمه لكن إن صار معزوم = وش حيلة اللي ضاع بين القسومي
يا صاحبي كلمه ليا صرت مهموم = تبعد عن الروح العليله اهمومي
خليل المطيري
حسام الشعر
آخر المواضيع
يا صاحبي لا شفتني يوم مهموم ؟؟؟ 
