السلام عليكم ورحمة الله وبركاته
هـذه احـدى قـصـائــد الشاعـر/ سياف بن بطي الأكلبي
يالله يالي مـن ترجـاك مـا خـاب =يا مسنـدي يـا رازق كـل راجـي
أسألك الجنـة بيـوم لـه حسـاب =يوم يهـول العقـل يالله الخراجـي
الناس تحتـه مخضعيـن بالأرقـاب =لا عاد به صـوت ولا بـه لجاجـي
وكل على صدره بيقـرا لـه كتـاب =وما عاد له عما كتب لـه مماجـي
أحد مع أهل الخير والحظ له طـاب =وأحد بنـار واللهب لـه سجاجـي
أشوف لـي دنيـا تقلـب تقـلاب =تشيخـت فيهـا فـروخ الدجاجـي
تباغضوا حتى القرابـة والأنسـاب =وأذل ما شفنا على النـاس ياجـي
ما قرت الدنيا لأبـو زيـد وذيـاب =ومن جورها قفت بجمـع العواجـي
الي تعدى ذكرهـم عنـد الأجنـاب =مخلين سرج الخيل يـوم العجاجـي
من عقبهم سعدون بالحزن منصاب =وعزي لعين مـن كثيـر الخلاجـي
تبكي شيوخ تيهوا جـرد الأرقـاب =في ريبهم ترعى الهيت ما تعاجـي
والموت ما خلى النبي سيد الأصحاب =محمد الـي مثـل نـور السراجـي
وصلاة ربي عدد مـا هـل صبـاب =على شفيع الخلـق يـوم التلاقـي
ارجـوا ان تحـوز على رضاكـم
اخـــــوك
آخر المواضيع
يالله يالي مـن ترجـاك 
