ليه أنتهى ذاك الغلا؟؟وانتهيتي!!!

حسي بلوعات الليـالي و الأحـــزان=بعدين حسي بالهوى لا بـغـيـتي
وش به يهمك لو يقــولون زعـلان=لو فيك ذرة من "غلا" ماجــفيتي
ياللي تقولين الخطـاء ( زلت لـسان)=في زحمة الأيام ليه..أختفيتــي؟؟
خطاي وينه؟مدري الذنب وش كان=ليه أنتهى ذاك الغلا ؟وانتهــيتي
وقفت في وجه الزمن قدر الإمكان=وأنتي جنح فيك الخيـال وغفيتي
غلطان أنا في كل الأحــوال غلطان=أسرجت لك خيل القصيد وسريتــي
جيتي وقلت الجرح يوم أقبلت" هان"=وأنتي على الجرح القديم إرتكيتي
مابان شي !! ومابقى شي مابـان=بس أنتي اللي" لاهيه" ما دريــتي
العام لك طاري باقلـبي ولك شان=واليوم أحس بغلـطتي لا طــريتي
أن قدر المولي وعشتي بحرمان=ومن حر( لوعات التجافي) لقــيتي
تذكري قلــــب ٍ له سنين شفقـان=شوفي بحقه,,,,, ياكثــر ماخطيتي
كل القصيد اللي أقوله على شان=تهزكــ الذكــرى عقب ما نسيتي

إقتباس   المشاركة الأصلية بواسطة أمـ جراح صح لسانك وصح لسان شاعرها أبيات جميله اختيار موفق يالغاليه

إقتباس   المشاركة الأصلية بواسطة طيرة شلوى جيتي وقلت الجرح يوم أقبلت" هان" وأنتـي علـى الجـرح القديـم إرتكيتـي تسلم يمناك يالغاليه على هالقصيدة الرائعه..