الغاز البدو الشعريه

مساكم وصباحكم خير وفل

حبيت في هالموضوع اجمع جميع الغاز اعضاء البدو وحذكر اسم صاحب الغز ولغزه والاجابه

فقط والهدف منه تسهيل الوصول للالغاز

طبعا الالغاز المحلوله فقط




السيل:
انشدك عن رجل سكنت داخله بنت "=" البنت عذرا والنشاما يبونه

الرجل شاف الذل من سكنت البنت "=" والبنت شافت عز عقب المهونه

الاجابه:الملك النمرود والبعوضه



الورد

انشدك عن عذرى تبكى يليا دموع * وعمرها يفنى بكثرة بكاها
هى مالها ركبة ومالها كوع * والناس تشريها وتظهر بكاها

الاجابه:الشمعه




القوس

انشدك عن تسعه وثلاثين شيطان
تقابلــوا في راس ريع الندامـــــــــه
لاهم بني ادم ولاهم من الجـــــــان
رجال عرف وشيخهم به غشامـــه
سخرهم الله له وله بينهم شـــــان
شيخ على عرشه وصاحب زعامه

الاجابه:الشطرنج




المشاكسه

سألت عن طير وله اسم رجال وبلا جناح يطير رايح وغادي

واذا يغني م الفرح جر موال حتى ولو هو في القفص ذاك عادي

وعن طير دوم يطير في لونه أشكال ماينقبض أو ينشبك أو يصاد

وعن طير عاينته مربط بالحبال محبوب دوم وينحمل بالايادي

وعن طير لي مضروب للناس بامثال في ايه مذكورة للعباد

وعن طير زاهي لون في الناس يختال وصف المهاد وناعمين المهاد

وعن طير مابه ريش موصوف لازال مثبت جناحه لحاضر وبادي

وعن طير اسود لي مع الوقت رحال بينه وبين البين لون السواد

وعن الجبال الطايره وشبه الجبال فــ بحر وسما تنفع عباد وبلاد

وعن الحمامه ان دهى خوف واوجال طارت وهي مع خوفها في جلاد


الاجابه:الاول: اللسان اللي يجر الموال في القفص

الثاني :النظر لاينصاد ولامدري وش الثانيه
الثالث: الصقر اللي ينحمل في الايادي
الرابع الهدد مذكور في الايه
الخامس : ينتظر
السادس الطائره مافيه ريش ومثبت جناحها
السابع : الليل يعني الظلام
الثامن السحاب
التاسع الروح





ذيب قحطان
أنشدك عن رجل على راس رجال
والكل منهم مشترك في خويه
أسمه لطيف وعايش أجيال وأجيال
في كل ديره شايفين سميه
ناعم خفيف ولا لبس بشت وعقال
ويخضعله الحاكم بنفس رضيه

الاجابه: علم الدوله





جود بدويه
انشد اللي يفهمـون المعانـي
الي لهم في حل الالغاز عادات

عن خوات لهم مقام وشانـي
ولهم في كل العروبه سيادات

أن غاب واحد مايسد المكاني
وأن زدتهم مايقبلون الزيادات

الاجابه: حروف اللغه العربيه





الساهره
أبنشدك عن ضيف لزوم احتــــــــــــرامه
لو هو شــرف تراه ما أحــد(ن) يدانيه
يرسل مراسيل(ن) تبــــــني خــــــيامه
وكم واحد(ن) يــون وأن سمع طاريه
حتى النساء مشى عليه(ن) نظامــــــه
يبين لو داعـــــــــــــــــج عيونه يخفيه

الاجابه : الشيب





الماستر
انــشدك عن شجرة بوادي ...
لاســـال واديــها غصونة يبيــسي...
تمشي مع الحــضـــر والبواديـ ...
الاجابه:الخلــــــــبة حقت الدلة





الشريف الوكيل
انشدك عن شي اذا جاك روعـك يذكرك بالموت لو كنـت ناسـي
شي تراه بين الاجاويـد يرفعـك ولو يحمله بعض العرب ما يقاسي

الاجابه:الشيب




بنت القبيله
افتني ياويش عذراء لها خمس ركون
مع كثير الخلق ولها كثير المنفــــعه
ما قناها الا ربوع فصاح ويسمـعون
في بطن رجال والبطن لازم ترفعه

الاجابه:شريحة الجوال



الفارس
انشدك عن شي صغير يولٌع
و راعي الولع وياه زايد عماسه
نها الدكاتر عنه بس المولع
ان ما لقاه بيوم ياشيب راســـه
الاجابه : السجاره





بنت القبيله
أنشدك عن رجال في جوف رجال
مكانه الأخـــــــــير بين أخوة له
سبع وثلاثين بناته بلا جــــــدال
واســــمه حدا البنات يا فاطن له

الاجابه:جزء عم في القران






يتبع






بنت الاسلام

من مواضيع بنت الاسلام
0 البنادق انواعها وماقيل فيها
0 تعريف النحافة بشكل عام ...
0 القلب ...سبحان خالقه
0 الجزء التاسع من مسابقة اختبر معلوماتك
0 ذكاء الامام الشافعي

توقيع بنت الاسلام

حملة الحجاب الشرعي .. تفضل بالدخول

[align=center]شكرا لج

موضوع روعه

وما شاء الله على مورثنا بسوالفه وقصيده وحياتهم وبداوتهم

والان الغازهم

ابدعتي بارك الله فيج

وحسنتي الاختيار

دمتي بود[/align]

توقيع كويتي

الشريف الوكيل

انشدك عن شي من خمسه حروف ؟؟ الكرم والطيب وعلوم الرجال
تحتويه وكل واحد له وصوف ؟؟ كامل اوصافه ولله الكمال

الاجابه: بدو




الشريف الوكيل

أنشدك وشو ملك يأكل ولا يشرب
يموت واقف الامنه دنا يومه
ماهو فصيح اللسان اذا وقف يخطب
ربعه تحبه وهو مفتون في قومه
يفدوة برواحهم ولوكان ما يطلب
الجيش دايم على شانه بحومه
أرضه تملي محل ما عمرها تخصب
ماتنبت من الشجر لو هي شجر دومه

الاجابه:ملك الشطرنج



الشريف الوكيل
أنشدك عن عود وخمسه يخدموه @@ قسم عليهم كل واحد وله تاج

أمره ملبى كل ماراد جابوه @@ حتى الكلام يوصله كان محتاج

الاجابه: الكف




الشريف الوكيل
لانشدته علمك باللي تبيه @@ جاب لك كل العلوم وحطها
اشهد انه هـ الولد شاطر نبيه @@ علمك لوكان ما جا خطها

الاجابه: القوقل



المغروووره
أخضرٍ بالسّوق عطشانٍ تبيــــــهْ........إنْ سقيتَهْ ايصير أحمر أكحَلِ
إسأل المغرووورة حتماً تحتــويهْ........إشتري يابوك فَرح المُـــغزَلِ
الحين دورك إنْ فهمت اللّي نبيهْ........جاوب المسأله حقّ السائـــلِ

الاجابه: الحناء




الشريف الوكيل
أنشدك عن طرقي لقا كنز غالي && لاهو بأرض الله ولافي سماها

باعه رخيص من القوى ما يبالي && والعين جاها من بلاها عناها

الاجابه: يوسف عليه السلام




الحبيب الاول
تزجرني زجر العيسمِنّـكْ فَـلا تُـوبْ
كالشِّعلَه اهِيمْ عْلَيكلُو صَـارْ الغـرُوبْ
وَشْ عِندكُم تفسيـرللشعلـه موهـوب

الاجابه: عيون اللغز




جوليوس
أنشدك عن ثلاث أخوان والأم ولاده
الأم شابت وكثر الشيب ماعابها
زادوا على شيب الأم جمال وقتاده
والأسد رابعهم وأرض الثلاثه حماها

الاجابه:الاهرامات ومصر وابالهول




الحبيب الاول
دُوَيْلَةٌ خضراءُسُكّانُها عبيـدْ
أجواءُها حمراءُمفتاحُها حديدْ
مَلاكُ.. ياقُرّاءُتسألكُمْ المُفيـدْ

الاجابه: الرقيه



صقر الهيلا
ابي انشدك عن بنت غناوية-------------------- تصبحها الغناه وفقرها في الليل يمسيها
تراودها الناس من عصر الهلالية---------------- احدن يجيب الفيد واحدن يضيعه فيها

الاجابه:سوق الماشيه

يتبع






بنت الاسلام

من مواضيع بنت الاسلام
0 المفاهيم الخاطئة حول صلاة الاستخارة
0 @ لأول مرة إغلاق أحدى المواقع للصلاة@
0 يابنات حلى الفناجين المقلوبة روعه
0 اسئلة والإجابه بحرف التاء
0 ألقاب أهل السنة والجماعة

الحبيب الاول
النّاسُ تفديْ بِكَــمّ........وأنتِ كلّ فديتي
اللّغزُ يرنوا لِدَعْمٍ........بمبلَغٍ إنْ هدَيْتِيْ
الاجابه:السمسم




الشريف الوكيل
رجل(ن) مذكر وفي كل النفوس@@وخالقه ربي وله كثير عوز
سبعة حروفه وبعطيك الدروس@@وخلك مركز وفي حله تفوز
اول ثلاث حروف محكر للفلوس@@واخر ثلاثه سن تاصل له عجوز
اصبر معي من قبل ما تقعد تحوس@@حرف باقي بينهن صار محجوز
من بغى يلقاه اخذ ثاني عروس@@وينلقى في الفايتات من الرموز

الاجابه: بنكرياس




الشريف الوكيل
أنشدك عن بنت تقود برجال @@ واليا مشت لزوم يمشي وراها

يقص جرتها على الدرب لو طال@@ متجودٍ فيها ويتبع هواها

الاجابه:الخيط والابره



صقر الهيلا
ابا انشدك عن شي تحبه وتغليه ----------------------- ومن زود حبه ودك انه بعيدي
تفرح اليا كانت بعيده هقاويه ------------------------- واليا قرب وسعات صدرك تضيقي

الاجابه:النظر




الشريف الوكيل
ودي أنشد واتحرا للجواب @@ عن فتاة فعلها وقت اللزوم

الشجيعه في الملاقا ماتهاب@@ تندفع للموت قدام القروم

الاجابه: طفاية الحريق




الشريف الوكيل
بنشدك عن رجل(ن)يتعب لغيره

لا يزعله هرج(ن)ولا يزعله لمس

ما هو غريب(ن)ونازل كل ديره

وجـهه بظل وباقي الجسم بالشمس

الاجابه: المكيف




شارب لبن ومقيل
ويش بنتين ولا تـقدر عليهن *** كود تعرف يالفهيم عيالهني
والعيال لكلهن ماهي حديهن *** ويخدمنك ياعرفت عيالهني

الاجابه: القراءه والكتابه




شارب لبن ومقيل
ياويش رجلٍ تنتظر جيتٍ له
وبجيته تنهى الأمور المهمات
ماهو بالأصلي يجي تابعٍ له
غالي وينسب لأمورٍ ثمينات

الاجابه: الهدف الذهبي



طرقي ومستعجل
ياويش رجلً له دور ومهمه ***** يحفظ خويه بين روحه وجيه

عند العرب معروف ماواحد يذمه*** يقضي بحق الناس من دون علم ودريه

يخدم كثيراً ناس ويشيل همه ***** وفي الفصول الاربعه اكيد تلقى سميه

الاجابه: الوسم





شارب لبن ومقيل
ويش عذرى منزله بين البناتي *** لابعدت وحده عن الأخرى لقيته
خـلقـة الـمـعبود رب الـكـائناتي *** بـيـن ثـنـتـيـن وثـنـتـيـن رأيـتـــه
الاجابه:الفلجه بين الاسنان




الحبيب الاول
القتلُ شرٌ وفعلُ الشرّ مذمــومُ........لكنّ قتليَ ممدوحٌ ومعـــــــلومُ
القتلُ فاعلُهُ ناراً مؤجّجــــــــةً........وقاتليْ يأملُ الجنّاتَ تكريــــــم
حفيدةٌ للسّلفْ دوماً تحثّكمــــوا........أن تقتلوني وإلاّ فالتآثيـــــــــم
فمَنْ أكونُ جُزِيتُمْ بالثّوابِ غداً........جزاكمُ اللهُ عن قتلي التراحيم

الاجابه: الاضحيه



شارب لبن ومقيل
أسـألك عن ثلاث أخـوان مـتتالـين *** مــتشابهين وفرقهم بالبناتي
بـناتـهـم وحــده وثـلاثـه وثـنـتـيـن *** سته عددهن بالعدد كاملاتي
وبناتهم معهم على الزين والشين *** وبناتهم معهم بطول الحياتي
الاجابه: حرف الباء والتاء والثاء



شارب لبن ومقيل
ياويش رجلٍ ماسكٍ له مهمه *** رجـلٍ كـريم و لياطلِِبْ مــايعيي
ليا بغيت فلان وصف لك أمه *** يعطيك توصيفه ولا ظن يخطي

الاجابه: الفهرس



الحبيب الاول
خواتـي سبعـة قـاصـراتمـن دون أجـرٍ خـادمـات
بالصبح نخدم ونخدم بالضحىوبالمسى نخدم وحتى بالمبات
وردَ قطرٍ تعرف أسرار البناتبالمدارس نلتقي وبالجامعـات
أخبـرونـي مَــنْ أنـــايـــابـــاشــــوات

الاجابه:كان واخواتها



الشريف الوكيل
انشدك عن طمع الصبايا

وكل قلب وطاريه

اللي سميه هو زات المطايا

حتى الجماد اللي ينوله يزهيه

الاجابه:الربيع



الحبيب الاول
تبر نحـر أرنبـكواللْجيـن وَنْحَيـلْ
ولـك عــود( ن)كغصن الموز وَانْحَل
ظبي البر لشوفـكشــرد وِانـحـل
علامك تخفِيْ عْلومَك عليّـــه
أبسأل بيت الاول فـَسْرَ لِيّــــه
خمِسْ تالاف تاخذلك هـــــديّه
رصيد(ن)بالبدو ميّه علا ميّه

الاجابه:الرقبه




شارب لبن ومقيل
أنشدك عن بنت تمد الـراس *** وعيالها هــزوا الراسي
إكتب وسجل على القرطاس *** ولا تخلي الفكر يحتاسي
الاجابه:راس الخيمه


يتبع ان شاء الله






بنت الاسلام

من مواضيع بنت الاسلام
0 الأطعمة المشبعة بالدهون تزيد احتمال عقم النساء
0 انظر للذبابه عن قرب ..وقل سبحان الله
0 صنادل 2009
0 طفله برأسين سبحان الله
0 احذروا هذه الاعشاب فهي تسبب سرطان وتلف الكبد

الله يعطيك العافيه يا قمر الطائف

ومشكورة على هذا الجهد في جمع اللالغاز بيض الله وجهك

من مواضيع الشريف الوكيل
0 انته عار العاشقين
0 اهداء من خلجات
0 وش الثلاثه
0 لها فز قلبي فزة الطير ابو جنحان
0 يا شقيقه لك نقدم باقتين من الزهور

توقيع الشريف الوكيل

جدهد تشكرين عليه يامبدعه

من مواضيع شعور جارف
0 لغز والجائزه 10000آلاف
0 لغــــز البنتين
0 صادفتها ودار هذا الحوار بصوتي
0 غصب تقراها
0 لغز والجائزه30000 الف نقدا عربي (نقاط)

توقيع شعور جارف

شارب لبن ومقيل
أبا انشد العراف عن بنت ٌ يتيمه ***** يصبح المجموع من فعله شتاتي
طول عمره ما تبشّر بالغنيمـــــه ***** والبلاء أنّه ما تموت بهالحياتي
مــا يحبه شخص أفكاره سليمـه ***** والزبائن من قليلين الحـــــــلاتي

الاجابه: النميمه



شارب لبن ومقيل
أنشـدك عن بنت من عـرفها ظمها *** واللي جـهلـهـا من الـبـشر مـاهـمـته
تجيك بالأخبار لاسيـرت على أمها *** لـها أربـع عـيـال مافيـهم اللي سمته
لانـتـا بـأبـوها لا ولانـتـا بـعــمـهـا *** ماخوذة من شايب نص البشر بذمـته

الاجابه:بطاقة الصراف الالي




الشريف الوكيل
أنشدك عن عذراء على رأسها تاج

تاج البها والعز تاج الوقاره

لاهو من الفضه ولاهو من العاج

ولاهو عليها من خصوص الاماره

الاجابه: قشطة التاج




الحبيب الاول
أنشدك عن ضيف(ن) يضيف المعازيبيذبَحُـولَـه ولا يــذوق الوليـمَـه
يشرب ولا ياكل ويسمـع ولا يجيـبوش تقول البدو عـن هـا كحيلـه؟
خبّروني وخذوا جايزه للحل ترغيـبخمـسـة آلاف نقد(ن)سلسبـيـلـه

الاجابه: المولود الجديد




الشريف الوكيل
كلاً عطاه الله عينين في رأس !! وانا عطاني ست وأشوف بثنين
بأيدي أناحطيتهن في عبق كاس!!شربتهن والحين مدري أنا وين

الاجابه: دول الخليج السته



الحبيب الاول
أبنشدك عن راس(ن) اللّي تجمع النّاس
عربان كـلّ العـرب حاضـر وبـدوِ
خيـرٍ كثيـرٍ فيـهْ عِـزٍّ ونـبـراسْ
والحينْ جرحَه نازِف(ن) بَـسْ يعَـدِّيْ

الاجابه : العراق




الشريف الوكيل
بيت بنيته بليا اركان() طاح وتهدم على رأسي
ماينفع الحين كنت وكان()كني تدربيت نكاسي
جيت انشد البدو والعربان()مشهور ولا اعلن افلاسي
واللي لقا طب للوجعان() وجعان زيه ومنحاسي

الاجابه: الجهل



شارب لبن ومقيل
أنا بانشدك عــن اللي يلبس به الملبوس *** بعد مادش في وسط المياه وخرج منها
لانـقـص الـقـيـمـه ولا زوده بـفـلـــــــوس *** لـــكن مــن أشياء تدنسه يحمي ويمنها

الاجابه:كيس الملابس




العود

يابدو ياحضر ماشفتو عــــــجوز000من صلات العصر للمغرب تصيح
من املاغا الخلق لايمكن تجوز000 ياكثر ماسـمعت فيـها مـن مديح

الاجابه: صالة حراج السيارات



العود
انشدك عن عودن الى طب بالسوق *** ياكثر ناسن ودهم يشترونه

والياشروه الـــناس ماعـاد له ذوق *** عقب الغلا بيدينهم يقبـرونه

الاجابه: الغز نفسه
هو اذا ( طب السوق )انقال كل واحد وده (يشتريه) يحله واذا أنحل فقد قيمته




العود

انشدك عن بنتن خفيفه لطيفه000معها غلامن راقدن في ظهرها
والورع الآخر حطها له وليفه000لـو مـا يـنادمها تكدر بــحــرها

الاجابه: الربابه



الشريف الوكيل
أنشدك عن شي مغطأ ومكشوف @@ عليه من ستر الخيال وحجابه

كله عيون ومن رداء الحظ ميشوف @@ ولاأحداً يشوفه كود لاطق بابه

الاجابه: الغز نفسه




طرقي ومستعجل
ابنشدك عن عذراء تجود وتفعل الطيب :::: تعشي ظيوفها من مالله عطاها

اظيوفها دايم ما يجوها ألأ مغاصيب ::::عذراء كريمه وعلى عباد الله جزاها

الاجابه:علبه المحلول




رويلي وافتخر
انشــدك عــن رجـــلا كــتــب بالمكاتــيـب ==== رجلا بخيص وكل هرجه حكــاهـــا

ولو هــو كبير(ن) فــلا يطلع بـه الشيــب ==== وسكة دروبه عن الخطاء ماوقاها

ويخطي ويجرى له على الوضع تصويب ==== فاهــم فهيم وكل الدول اعتلاهــــا

الاجابه: الانترنت





الشريف الوكيل
انشــدك عــن ضيف في دار المعازيب @@الضيف يكرهم وهم يكرهونه
اذا قلط يقلط على غير ترحيب @@ ضيف عن الزلات ما يامنونه
يحتاج له في بعض الاحيان تأديب @@وان جاء يغادرهم ترا يمنعونه

الاجابه : الاسير




الشريف الوكيل
ما تملكها لونك تشتريها من حلالك
ياذلـولاً مالهـا عشـرة وحميـه
يوم والثاني وثالث تـدور بدالـك
في جميع بيوت خلـق الله رميـه

الاجابه: انبوبة الغاز




العود
ياللـي تريدون لـغز اقشـر ماهو صـاحـي000عـنـدي ولـكن بـغيـت اللـي يـحـلونه
من شاف عشباً خضر مع نور الاصباحي000يطرب خضاره ولا يمكن يـحصدونه
في فيضتن من حصل له شوفها ارتاحي000يا للعجب كيف عشـب ولا يـحــشـونه

الاجابه: الوشم




امـ جراح
أنشدك عن رجلن لأهله شعار
دايم بالملمات تلقونه
بالطيبه ما عليه غبار ولو انكم ما تودونه
ماله سكن عندنا بالدار
يوم اهلها ما يحبونه

الاجابه : الصليب الاحمر




هزاع المطيري
ياثـمـانٍِ عـلى خـمـس .. لامـسـات أدقـاق الــــــعـود
أن لمستـه حلو ال لمـس .. لاهو صوف ولاهـو ماهـود

الاجابه:مخالب الطير على كف الصقار




امـ جراح
ويش الصغير اللي وقف لمة
توطا على راسة ويحيـــــيها
وقف معاها ولا همـــــــــــة
ولا طاحت امة يذكيـــــــها

الاجابه: الامان(السيفتي ) للدفايه




عطارد
وش قريةً في واديً من صفاته .... تحت الجدي والسبّع المرقباتي
فيها الكرز والخوخ زيناً نباته .... ومن الذهب يوجد بها عيناتي

الاجابه: القنفذ




امـ جراح
انشدك عن عذرا لها عدة اعيال
وعيالها في بطنها ماارضعتهم
تحافظ عليهم من التشتت ولاهمال
ولا ضاعت العذراترى ضيعتهم

الاجابه: ميدالية المفاتيح




امـ جراح
ويش بنتـ (ن) دايم تتعب جسدها
لا مشت تلقى ولدها في قفاها
ما تجيب عيال مير الله قردها
واحفروا في البنت وأزعجها ظناها

الاجابه: الابره والخيط




الذويبه(ل رشيد الزلامي)
انشدك عن رجلٍ صغيرٍ مقاسه == يشيل في بطنه ملائيين الانفار
لو تظربه باعلى جبل هد راسه == ومع الاسف لوتنفخه بالنسم طار

الاجابه: الشيك




عطارد
بنشدك عن مجلسن فيه العذارى=لوتطبه ماتشوف اخدودهني
كاشفات وحاضراتن بالوقارى=وفي فنون القنص قالوا يفهمني

الاجابه: منتدى البدو


الذويبه
انشدك عن ضيف لفانا ولازالمتنقل مابين بيـوت الرجالـي
ضيف خبيث النفس للحقد شيالانا اشهد انه مايعرف الحلالـي
واليا لفا ينطحـه مننـا رجـالدون اللوازم يرخصون الغوالي
ومايكرمه فالناس ياكود الانذالوش قولكم يأهل العقول الكمالي

الاجابه: الارهاب




كاتم الونه
يامُنتدى البدوان لغزي وصلكـم
رفعت بيرقنـا رفعتـوا علمكـم
والحل وأضـح لا ولا ماجهلكـم
يامُنتدى الغالين يادار الاحبـاب
أنشدك عن أسم(ن)يخص الرجالا
وبالعكس بنت(ن)ماتعرف الدلالا
كم مرة(ن)هانت رجال الشكـالا
تدحم بيوت(ن)لو تقفل بالابواب

الاجابه:هـــــــــــــــزاع x عــــــــــازه




ربيع المسيطير
انشدك عن رجلٍ يحب التخفّي
يبين لك وجهه وباقيه يخفيه
يمر من عندك وهوه مقفّي
مايلتفت لك لين بسمه تناديه

الاجابه:اللغز




ربيع المسيطير
انشدك عن جملة رجالٍ مقفّين
اقفواوراطردالنقذ والمعوشه
همه مع الاموات لاشك حيين
راحوا لدارٍماتشدطروشـــــه

الاجابه: عروق الشجره




امـ جراح
ياويش بنتن تنزل بجوف رجال

تنزل بجوفه لاحصل فية عله

والرجل يضربه مثل ضمن الامثال

بالهم والتنكيد يافــطـــنــــله

الاجابه : حشوة الضرس


يتبع






بنت الاسلام

من مواضيع بنت الاسلام
0 هوامش على دفتر غزة
0 يوم الغضب
0 صورة لنبات الغرقد
0 اسلام ثانى أكبر قسيس فى غانا
0 ثلاثة اشياء تحدث للانسان ولايعرف سببها

عطارد
أنشدك عن رجلن سكن داخل الفي
له منزلن بيـن الثنيـن الدواهـي
نادر ما احد شافه ولا لمسه الحي
واللغز يبغى له ذكـى وانتباهـي

الاجابه:الحاجز الي يكون بين الماء العذب والمالح



العويدي
ويش بنتــ (ن) ماتغطي عن الرجال ..

وان تغطى وجهها رحنا وطي ..

علمها تراه ضرب من الخيال ..

وكذبها في وجنتيها مخططي ..

ماتكذبها وهذا من المحال ..

وماتصدقها وهذا منطقي ..

الاجابه: مرآة السياره



الذويبه
ياويش رجلاٍ جالس بمكتبه دوم
مراجعينه بالمسا والصباحـي
عنده علومٍ مالها اوزان ورقوم
اسمه على كل المخاليق لاحي
ياخذك له رجلاٍ دليله ومعصوم
طبعة مجد ولايعرف المزاحي
وليا الدليله جاته جروح وسموم
لازم تراجع به طبيب الجراحي
حله ياراع الحل واللغز مبروم
في شي له في كل بيتٍ مراحي

الاجابه: الدليله الكمبيوتر والرجل الانترنت




امـ جراح
ويش رجلن بين ربعه له مقام
نال هيبه واحترام من البشر
طول عمره 61 عام واربعه يحلها بعيد النظر

الاجابه: الاسد




امـ جراح
الغز ماهو صف هرجن على ماش
يشتت ألأفكار في كل يمة
وش الذي في موطن الأم ماعاش
وأن عاش عاد لبطن من يحمل أمة
وماضنتي تلقاه مع نشر الادباش
ولا طير يفرد بالجناح ويضمة
مالة يدين ولا ذكر مرةٍ هاش
وابوه ينسب للمرة مثل عمة

الاجابه: بيض السلحفاه




ناجي العصيمي
أنشدك عن رجال له عشرة اعيال
متخالفين ولونهـم غيـر لونـه
عشرة اعيالٍ وامهم معه في الحال
دائم سوا و الأذكيـاء يعرفونـه
الأبوا بين الناس ينظر وينشـال
والأم هي وعيالها فـي حضونـه
رجال بين الناس مع كل الاشكال
وعياله العشرة مع اللـي يبونـه

الاجابه: الجوال



الحبيب الاول
الزود منّـه وبيـه ومعاشـر البـال
ولو نقص صار انسان بالتقوى مطبوع
بالخير لَهْ رايات فـي كـل الاحـوال
عشرين زود اثنيـن تفديـه الربـوع

الاجابه:الشيخ زايد




العويدي
عـمري تعدآ خمسه وخمسين ..

.................. وأربع على ذيكـ العصــآ الــعـنيدهـ ..


جبت أسم خلي بحتفظ به عن الـعـين ..

................. والأسم الآخـــر بالديــــآر البـعـيدهـ..

الاجابه: دولة الهند




الحبيب الاول
أعوج عدل والبيت من بيت الاشراف
عبد(ن) تطيعه الناس من كل الاصناف
بالشّمس عنده ارحام بالبر اذا طـاف
خادم وسيّـد دوم للصعبـه كشّـاف
خبّرني يالحلاّل شو هـاي الاوصـاف
ارمـع رمـع صيّـاد للّغـز شـوّاف

الاجابه: الملك عبد الله




شعور جارف
اسألك عن بنتين هـــــم الملايين=== يمشن طريق الخير والشر ساعات

وحده يمشيها رجل زين مع شين== وحده يمشـــــــــــيها بنات(ن) قليلات

الاجابه: القراءه والكتابه




شعور جارف
اسالك عن بنت(ن) تضايق اهلها== ومن فعلها بعض البشر يحتريها

رجل(ن) وحيد(ن) لا لفاها قتلها==وان راح عنها كملت ماعليـــــــها

الاجابه:المربعانيه




شعور جارف
ياويش رجلن حشاه افلز ..


رجلن يذكر ولا شيفي ..


على طريق اثنين ارتز ..


وقف لهم بالمشاريفي ..


عليه قلوب الملا تهتز ..


هزة قلوب المواليفي ..


اللي يزوره ماهوب معتز ..


قربه وراه التحاسيفي ..

الاجابه:جبل من ذهب في العراق




يو يو الحمد لله انتهيت من الموجود

تعبت والله

انكسر ظهري وتورمت يدي

بس الحمد لله تعبي ماراح خساره ثبته شاعرنا الشريف الله يطول بعمره


ملاحظه:بعض الالغاز مااضفتها لاسباب

اما انها منقوله والي نقلها ماكتب من صاحبها

او انها غير محلوله

او انها محلوله ومافهمت الحل

العذر والسموحه من الاعضاء على اي نقص مني

والي له لغز شعري وماكتبته يقدر يضيفه بنفس طريقتي

وسلامتكم








بنت الاسلام

من مواضيع بنت الاسلام
0 طريقة عمل مخلل الليمون
0 سمك مشوي لعيون معانده
0 ملف عن المخللات اللذيذه
0 ياعيني على المرايا
0 العرائس اللبنانية بالصورة

قمرالطايف شكراًعلى الموضوع الذي يستحق ختم التميز ليكون مرجع للجميع ويستفاد منه خصوصاً طريقه الحل او إخفاء اللغز مبدعه ياقمر الطايف دايماً

من مواضيع ربيع المسيطير
0 روس اقلام
0 لغز ياعشاق الالغاز
0 مرثية الاحياء
0 كيف تفرق بين التاءالمربوطه والتا
0 في بحر حبٍ تلاعبي امواجه

ماشاءالله
تسلم يمناك

من مواضيع Deaf
0 طريقة عمل اللحم المدفون ...بالصور
0 طيور مهاجره لكن في البحر !!! شي لايصدق ؟؟!!
0 خلفيات حلوه
0 مندي أبوليان
0 لغة الإشارة عربي

توقيع Deaf