الحب مثل النوم .. والوصل .. الاحلام = والشيين من الاحلام..صـد المحبييـن
نوم ٍ طويل ٍ عمره اشهوور واعـواام = وان قمت.. ففهمها فرااق وسهر عيـن
وانا رقدت وعمري اربع عشـر عـام = وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام = ونصيبي من احلامه الجانـب الشيـن
صحّى الفرااق اقلوب في عكسه..نيـام = وغاب الفرح وانا بعكسه الى اللحيـن
ياحزن كبدي حزن من ضاق ثم حـام = اخذت فروخه مـادرى ليـه ولويـن؟
بعد ما شاف العـش عيـدان وعظـام = خاالي..تفكر فووق ويسـاار.. ويميـن
خلا عشاها فيه ومـن الوطـى شـاام = زبن علـى روحـه وفـل الجناحيـن
وياوجد حالي وجد من نـام ثـم قـام = على صياح امـه وهـو دون رجليـن
عويـق وامـه تنعتـه والنعـت سـام = وهو خابر انه يقسم الصـف صفيـن
حبا وصاح بصيحـة ٍ تاصـل الشـام = منهـا تقطّـع فـي خفوقـه شراييـن
على وليـف ٍ قسـم اظنونـي اقسـام = واقفى وانا ما اعرف طـرد المقفيـن
راح وترك في صدري ووسووم واعلام = وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام = بعد ماشااف الـدرب بيسيـر دربيـن
اشوى عليه شوي..من عـظ الابهـام = واشوى علي شوي..من دمعـة البيـن
تمشـي بنـا الاقـدام والمـوت قـدام = وميعادنـا يمفـرق اثنـيـن بعـديـن
ياعيـن لا تبكيـن وعيـونـه تـنـام = عادش الى ما خاب ظنـي بترضيـن
لـو الدمـوع اتفيـد فـادن الايـتـام = ولو الكـلام يفيـد عـادت فلسطيـن
ولو النبـاات يطّلعـه دمعـة هيـام؟ = شفتوا علـى وجهـي ورود وبساتيـن
الحب سجن..وبعد الاحبـاب الاعـدام = وقلوبنـا السجّـان مـدري مساجيـن
الحب نوم ٍ عمره اشهـوور واعـوام = وان قمت ففهمها فرااق وسهـر عيـن
وانا تراااي انعست مـن مـدة ايـاام = لحدن يصحينـي يالاقـداار ..تكفييـن
آخر المواضيع
الحب...مثل ..النوم 
