هـــــوى الــغــربــــي

يلـك ياهـوى الغربـي علـى قلبـي تهـب بزيـن = تـراك محمل(ن)بشيـاء تهـز القـلـب وضلـوعـه
تـراك محمل(ن)بشيا(ن)خفـيـه مستحـيـل تبـيـن = ولايفطـن لهـا كـون الجريـح مــلاوع اللـوعـه
عليـك الله وجــاه الله تـلـف يـسـار ولايمـيـن = ولاتحيـي عـروق جـروح مـن عاميـن مقطوعـه
تنحرتـك وانـا اعـرف النتيجـه دمـعـه وبيتـيـن = ومجموعـة هواجيس(ن)تخالـف هـي ومجمـوعـه
وتنفستك وانـا اعرفـك علـى روح الشقـي حديـن = لكـن الله ومــرك وجابـنـي بـاقـدام مقلـوعـه
وجـودي وجـد مـن خلـي يقيـده الزمـن للـديـن = عفيف(ن) ما اظهر الحاجـه ولافزعـوا لـه ربوعـه
والاياوجد حالـي وجـد مـن خلـي يشـوف الشيـن = يتيم(ن)كلمتـه لا مـن شكـى ماهـي بمسمـوعـه
توفـى ابيـه عـاده مابعدهـو ينطـق اسمـه زيـن = وعـاش ابـلا اخـوان وناقـع كمـه مـن دموعـه
على اللي راح بفـوادي وانـا ادري ليـه وادري ويـن = وروح روحة(ن)مجبوعـة(ن)مـاهـي بمتـبـوعـه
ملا صدري غلا واقفـا وانـا ضامـي فـواد وعيـن = لونـه غيـر وادعنـي علـي اهـون مـن الروعـه
وبنى له في الحشى سور(ن)مثل سور(ن)بني في الصين = يـرد الـعـاذل ويحـمـي ورود فـيـه مـزروعـه
حلف لي دين ماينسى وانـا اللـي قـد عطيتـه ديـن = انـا دينـي علـى ماهـي وهـو ماغيـر طبـوعـه
علـى خبـري لكنـي رحـت ادور للحقيـقـه لـيـن = عرفت اسبـاب ماتقنـع وشفـت اسبـاب مشروعـه
لونـه راح هاجرنـي علـي اهـون مـن الثنتـيـن = مـراح مايبيـه وعبرة(ن)فـي الحـلـق مقـروعـه
عسى ربي يسامح كل مـن لـه فـي الفـراق ايديـن = سبـق سيـف الفـراق العـذل ياروحيـن منزوعـه
دخيلك ياهـوى الغربـي تـرى مانـي مـن الساليـن = ولـو بينـت لـك ضحكـه تراهـا صـدق مصنوعـه
دخيلـك كـف ولا لـف ولا غـيـر هــب بـزيـن = تـرى ماهـو يعرفـك كـون انـا ومـلاوع اللوعـه

يا غير مسجل نرجو منك دخول هذا الموضوع

http://www.albdoo.com/vb/t30010.html