[POEM font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=right use=ex length=0 char="" num="0,black" filter=""]
يا وجودي كل ما هبّ صوتـك مـن شمـال =وجد من حدّه زمانه علـى اللـي مـا يبيـه..
ويا وجودي كلما اضحيت ثـم مـال الظـلال = لا غفت عيني ولا ذقـت شـي ٍ مشتهيـه...
وجد من قفّى وهْـو فـي رجـا كلمـة تعـال = وإلتفت من عقب ماْ اقفى ..ولا أحد ٍ لدّ فيه
ويا عذابي لا دنا الليـل مـن روس الجبـال = وانتهى يوم ٍ من العمر مـا عـاد أرتجيـه..
وانتي أبعد من سما الحلـم ووصالـك محـال = يا بعد من هلّ دمعي ضحـى الفرقـا عليـه..
يا غناتـي لا تحسبيـن دمعـي يـومسـال = ضعف ولاّ خـوف ..ولاّ كـذا ولاّ كذيـه
والله إنـي مـن رجـال ٍ يضـدّون الرجـال = لكن الحظ ّ الردي ..ساق دمعي كـل أبيـه
ووالله إنـي كلمـا دار حولـيـك الـجـدال = قمت كنّ الموت يشّر علـى قبـرى بديـه
ووالله ان قد لي وانا اصّـد لا جالـي مجـال = صدّة اللي لا تضايـق تذكّـر قبـر أخيـه
ومن سألني قلت مـدري..وإذا عـاد السـؤال = قلت له تكفى سؤالك تـرى ماهـو وجيـه
وش تبيني اقول عن من ترى ذبحي حـلال ؟ = والخطا منها عليّ..صرت أحبـه وأهتويـه
عذرها لو ماْ تْعـذّر مثـل واضـرب مثـال =واحد ٍ ما يعرف الحـرّ الاشقـر يشتويـه
وان رجعناللتـواصـيـف لله الـكـمــال = لاْ انتهـى ليـل المزاييـن جاتـك تبتديـه
كنّهـا غفـل ٍ مـع البـدو طاويهـا الحيـال = ما يميّـز وصفهـا إلا نبيـه ٍ مـن نبيـه
وآهنـي اللـي وصلهـا وذاق مـن الـزلال = شربة مـع غفلـة النـاس مـن فيهـا لفيـه
ياْ اول أحلام الطفولـه علـى حـدالخيـال = الرجى باللي حمى البيت مـن حملـة بريـه
حال دونك سيف عنتر وتاسـع حـول حـال= باْثر حول ٍ حال دونك وانا ادعى هيه هيـه
هيه ياللي غـرّك الحسـن واطغـاك الجمـال= والله أني اموت ما شفت لأوصافـك شبيـه
لـو يسـام الحسـن والتيـه بجنيـه وريـال=ما بقى في سوق غيرك ريـال ولا جنيـه
كيف أهـدّك للمقاديـر وانتـي راسمـال؟؟ = راس مال ومال..والمال ماْ يغطي السفيـه
حافظك حفظي لعينـي ورمشـي لـك جـلال = وانتي تْشحّيـن بالما..وانـا شفّـي مويـه
شايف ٍ ظلمك وساكـت وطـال الليـل طـال= لا نويتي طعن قلبي وانـا مـا قلـت ليـه
لو بقى للهيـل صبـر ٍ علـى فـوح الـدلال = ما بقى للهيـل صبـرٍ علـى شـي ٍ يجيـه
وانتـي تْسوقيـن عقلـي علـى حـدّ الهبـال = تحسبين ان من بغى شي ..يقـدر يشتريـه
ولاّ انا يا وجـد حالـي وجـود ٍ مـا يقـال=وجد من ضحّـى بغاليـه لْرضـا والديـه...
ويا وجودي بأول العمر قبـل ألبـس عقـال =وجد من باع آخر العمر ..في رغبة ذويـه
ويا وجودي كل ما هبّ صوتك مـن شمـال= وجد من حدّه زمانه على اللي ما يـبيـه
الشاعر: ضيدان بن قضعان
[/poem]
آخر المواضيع
يا وجودي (ضيدان بن قضعان) 
