قدها وقدووود

أنا ربتني الدنيا على جزل العطا والجود =
وأعارض منهج الهابط وأوافق للصعود صعود=
ولا تثّر بي البسمة ولا كحل العيون السود =
أردّ الجود بأمثاله وأقابل بالجحود جحود =
وعندي مع أهل العِليا مواثيق وثلاث عهود =
أعايش مركب الدنيا على متن القدر مولود =
ومن وين الزمن مقبل وإلى وين الليال تقود =
ومن له بالزمن غاية ومن عنده هدف منشود =
عرفت إنّ الشقا باقي ، عرفت إنّ الحسد موجود=
لقينا بالعرب حاسد وشفنا بالعرب محسود =
وينقص بعضنا خوّه وينقصنا وفاء وعود =
ولا ترجى بها الدنيا من ربوعك يجيك اسنود=
وقابل خطوة بخطوة وجازي بالصدود صدود =
ولا تخطي ترى لصبر الحليم اليا سلاك حدود =
تجنب كسرة الخاطر ولو حبل الزعل مشدود =
ولا تزعل على رجلٍ بذل لك ولرضاك جهود =
نبي نصبر على الدنيا قلوبٍ بالحياة زهود =
وأنا ما قلتها راجي ولا أطلب بعدها مردود =
وبمشي لآخر الدنيا ولو كلّ الأنام اقعود =
صحيح إني صغير السن ولكن قدها وقدود=
طموحي يملي العالم ولابه للطموح قيود =
خلقنا الله من ترابه ولأحضان التراب نعود =
سلفنا ما لحقناهم تحت قاع التراب رقود =
ولو طال العمر فاني وترى عمر الفتى محدود=
وأنا بلّغت بلساني وربي والأنام شهود =