| على جناح الليل سر القلم باح |
وعلى دجى ثوبه يعبر قلمها |
| ينسج حروفا حبرها بالقلم ساح |
من خاطر اللي مفرداته حكمها |
| اليوم ابكتب يا قلم كود ترتاح |
ويرتاح قلب اللي همومه كتمها |
| قلبا نقل همه معه وين ما راح |
وجروح ما به لو شكا من فهمها |
| صبرت لين الصبر من داخلي صاح |
وصاحت جروحا تشتكي من المها |
| ياما تاملت الامل كل مالاح |
بين الخيال وبين صوره رسمها |
| صوره من الماضي على كف فلاح |
صورة وفاء صدق الوفاء من شيمها |
| اليوم مجرى السفن في حكم الارياح |
ومبدأ العرب مابينها في قيمها |
| يامسهل الكلمه وياصعب الافصاح |
ان جيت ابحكي داخلي يحتكمها |
| يوم الخيال بساحة الحرف لي لاح |
غنيت ليلى بصورة اللي رسمها. |
على جناح الليل سر القلم باح 
