لا واهني يـــا طيـــــــــــــر......

لاواهني يــا طير من هـو مـعـك حــــــام = ولا أنـــت تـنـــقل لي حمــايض علومي
إن كان لا من حمت وجهك على الشـــــام = بيسر مـعـيـــب سهيل تبغــي تحــــومي
بـكـتـب مـعـك مـكـتـوب ســــــــر ولا لام =مــلـفـاه ربـع كـــل ابـوهـــم اقــرومـي
سـلـم عـلـى ربـع تـنـشـد بـالأعــــــــلام = لا واهـنــي مـن شـافــــــهم ربـع يومي
ومن سايلك مني فأنـا مـن بـنـي يـــــام = من لا بــــــة بـالضيــــق تقضي اللزومي
ربـــعـي ورا الصــمــان وأنـــا بــالأروام = من دونـهـــــم يـزمـــــي بـعيد الـرجـومي
ومـــن دونـهــــم حـوران ضـلـع بـعـد زام =دار أهـلـهــــا مـــا تــــعـرف السـلــومي
حال البـحـر مـن دونـهـم لــــــه تـلـيـطـام = ومـن دونـهـم مـايـــات مـــوج تـعومــــي
من عـقـــب ما سيفــــي على الضد حطام = اليوم سيفـــي جادعـــه كـنـــــه شـومي
صــــــارت سـوالـفـنـا مـعـي مثل الآحلام = مـالـــــي جـدا يـكــــون عــد الـنـجـومي
لا مـــــــن ذكـرت رمـوس عــصـر لـنـا دام = قـمـت أتـملـمـــل والـخـــــــلايق أنيومي
يااللـــــه ياللي طا لـبه مــــــا هو يضــام = تـفـرج لـشخـــــص لاجـــــي عـند قومي
اللــه مـــــن عـين لها سـبعة أعــــــــوام = تـسهـر وتـبكــــي من كـثيـــر الهمومي
الــحـــــــال بـاد وباقـي جـسـم وعـظام = كـــنـه مـريـض واقـــــع ومـحـمـــــومي
وقــــــعـت أنـا فـي ديره ما بها إسـلام = والـبـن الأشقــــــر مــــا يــدار مـعـدومي
سـجـيــــن سـجـن ولاجــــي عـنـد ظـلام = ودوني بحـور وبـالحـديـــد مـحـــــزومي
والجــــــــفن يـسهر تالي الليل مـا نــام = ومن جمــــلة الكيـــــفات صرت محرومي
وعـزي لـمـــــن مـثـلـي عليه الدهر هام = مـقـصـور رجـــــل ولا جزع مـــا يشومي
وصــــــلاة ربـي عـد مـن يـلـبـس إحــرام = وإعـداد مـا تــــذرى ذواري سـمــــومي
عـلى نـبي خـصــــــه ا لـلـه بـالإكــــرام = عـلى جـميع الخلق صـــار محشـــومــــي