محمد بن فطيس وما ادراك مامحمد
.. لله درك وصح لسانك ملااااييـن
ليـه المسـا عـوق الشقـاوي وطبّـه
وليه الهبوب تصحي القلب لا بـات ؟!!
وليـه القمـر يدعـي جريـح المحبّـه
ويقول له يا هيه .. ما فات .. ما مات ..
جرحك ظهـر لـو قلـت للوجـه خبّـه
وللحزن في ضحكك رسوم وعلامـات ..
وليـه المطـر بالـذات ريحـه وصبّـه
كنّه رسـول بيـن الاحبـاب بالـذات ..
اشـتـاق فـيـه لشوفـتـك واتنـبّـه
للي نسيتـه مـن مواقـف ونظـرات ..
لا استانس الخافـق ذكـر مـن يحبّـه
ورجع يراجع فالوناسـات مـا فـات ..
يـا مرتـع القلـب الحزيـن ومـربّـه
يزيين بك مثل الذهب صـدر الابيـات ..
هيهات ينسـى القلـب شخـص ٍ لعبّـه
وهيات يدله خاطري منـك هيهـااااات ..
نبـع الغـلا عنـدك وعنـدي مصـبّـه
ومن الولا .. في خافقي لك .. ولاياات ..
وطيفك حطب عيني .. وعينـي مشبّـه
والشوق برد ٍ ما انقطع لو للحظـات ..
ومكانك الصـدر و لـه بالقلـب شبّـه
بين الظلوع اللـي فردهـا التنهـات ..
ولـك بيـرق ٍ فالقلـب حبـك يهـبّـه
شامخ ولا هزه مـن العـذل غـارات ..
محبـتـك فالـوقـت ذا مــا تشـبّـه
الا بخيمـة بـدو بيـن العـمـارات ..
ان شفتني ضايـق واهوجـس واسبّـه
اخاف غدر الوقت .. والوقـت دورات ..
(( لا تحسب ان دمعي نـزل دون سبّـه
ابكي من الفرقا وهـي مابعـد جـات ))
اليـوم كــل امـورنـا .. مستتـبّـه
وبكره ماندري وش معه من مسـرّات ..
اربّ قلـبـك مـثـل قلـبـي اربّـــه
ما يخلفـه كثـر العـذل والمسافـات ..
منقول
محمد بن فطيس 
الذوق]
