الشيخ والفارس تــركيّ بــن حميـــــد

نومك طرب وأنا بنومي هواجيـس=ماسهـرّك بالليـل كثـر الهمومـي
أسهر إلى نامت عيـون الهداريـس=وبالليل اراعي ساهـرات النجومـي
قالو جهلت وقلت جهـلٍ بـلا قيـس=الجاهل اللـي مايعـرف اليمومـي
اشـوف عـدلات الليالـي مقابيـس=ولاإحدٍ من الدنيا عظامـه سلومـي
تضحك وتخفي لك خفـيّ الهناديـس=تفطر لهـا يـومٍ ويـومٍ تصومـي
اعمل وتلقـا وافهـم العلـم بالقيـس=دنياك لـو زانـت تراهـا نقومـي
والعزّ فوق معسكـرات السواديـس=الى قصدتّ اللي بالاشيـا رحومـي
قـبّ تنـازي بالنشامـا كراديـس=والطيـر فـي روجاتهنـه يحومـي
الى توافق مشـوّر السـوّ وابليـس=تبّـر منـه وعـزّ ربـيّ يدومـي
بالليل اصالي حاميـات المحاميـس=والصبح الاوي كـلّ قبّـا قحومـي
اربع سنين ودمـع عينـي أماريـس=العين تسهـر كـنّ فيهـا هزومـي
والى ركبت معالجـات المضاريـس=يبرد على قلبـي لهيـب السمومـي
صوابنا بالميـل غمـقٍ الـى قيـس=وطريحنـا فـي مثبـره مايقومـي
انّ جنّ بنا مثـل النعـام الاماريـس=لي خفّ عجلٍ مع رقـاق الحزومـي
استلحق اللـي يطلبـون النواميـس=الي من الاقصين وادنـى اللحومـي
لاخير في كثر الحكـي والتماليـس=هرجٍ بلا فعلٍ يجـي بـه وهومـي
لومي على اللـي ينقلـون العبابيـس=واهل الفرنج وكلّ رامـي لحومـي
انّ جنّ بالميـدان مثـل الدواويـس=وطار الغطا عن قانيـات الرقومـي
عـرجٍ بأهلهـن كنّهـن القرانيـس=على الطريح مصوبـراتٍ كظومـي
الى سمك عـجّ الرمـك بالملابيـس=الرابح اللـي حـظّ ربعـه يقومـي
حتى يزين النـا المثـل والتوانيـس=والكيف طاب لمن يفـك القحومـي
من لايدوس الرأي من قبل ماديـس=عليـه داسـوه العيـال القـرومـي
ومن لايقلط شذرة السيـف والكيـس=يبـدي عليـه مـن اليالـي ثلومـي
والقصر مايصلح على غير تأسيـس=ومـن لاتعلّـم ماتسـر العلـومـي
ومن لاخذا الدنيـا بميـزٍ وتقييـس=مثل اللـذي يصبـح بليـلٍ يعومـي
كلّ القلـم مـن كتبنـا والقراطيـس=وركابنا من كثـر الأقـران تومـي
الشيخ من يعطي الفقارى الملابيـس=يبـدّل الساعـه بـعـزٍ يقـومـي
والحرّ لي بـدّت عليـه النواميـس=يشهر وعـن دار المذلّـه يشومـي
والى اقترب من بعض الاشيا نسانيس=اعـزم ولا بـدّ الفـرج بالعزومـي
باب الفرج لبسك نظيـف الملابيـس=ينجيك بأيـام الكـرب والزحومـي
أوجس بقلبـي مثـل دقّ النحاحيـس=الله يلـوم اللـي لحالـي يلـومـي
يجلي صدا قلبي ضبيـح المهاريـس=لي قـام شـرّاب القهـاوي يعومـي
ودلال فوق النـار دايـم مجاليـس=اكرامهـن حـقٍ علينـا لـزومـي
من صنعة الصبّه وخمس التخاميـس=بريـةٍ يعمـل بهـا كـلّ يـومـي
وبهارهـن هيـلٍ بليّـا حواسيـس=كيـفٍ يعـدىّ للنشامـا القرومـي
عـدّه لحمّـاي العيـاد المراويـس=والاّ الحصان اللـي بقينـه يهومـي
وصلاة ربيّ عدّ رمـل الطعاميـس=على شفيـع الخلـق يـوم اللمومـي