ربيع العمر

ألا ياربيع العمـر ما عـاد بي صبر ====خـذ القلب فيما يطلبونه لك رهانـه
مـضى ما مضـى صابر وكني على جمـر ==== عيـوني على شوفـتك يازيـن ولهانـه
مــضالي ثـلاث ايـام زودٍ على شهـر ==== عيوني محاجرها بأرزق الدمع غرقانه
أساهر نجوم الليل لي مطلع الفجـر====اجاوب حمام الورق لي جـر بالحانـه
يقولـون عـذالي ترى من صبـر ظفـر ==== وانا صبرت صبرٍ طال ما شفت برهانـه
عجب كيف يجزى فاعل الخير بالهجـر ====واذا قال زدني بالوصل زدت هجرانـه
ألا واعذابي مـنك وا فـر قلبي فـر==== فرير اشقـرٍ فـر وكـفخ ريش جنحانـه
تطاير من الديره لانه ربـو وادبـر ====ورماه الله بيد واحـدٍ صاده وهانـه