قصيدة الصيف00وسهيل00والطير!!!!!

لاوالله الا يالربـع دخّـن الصيـف= = = = كـلٍ تبـع مشهـاه وانـا اهنـيّـا
اللي قصد لندن وباريس00 وجنيف= = = = واللي عن اسفـار الطييايـر عيّـا
اما جلس في الدار كهرب وتكييّـف= = = = والا استكـن ابظـل00والا تفيّـا
برجوا اسهيل الله يحييّـه لا شيـف= = = = في طلعتـه كنّـه جميـل المحيّـا
طال الركود بطايـلات المواقيـف = = = =(عمّاش)مع(هـذّال) ذيّـا00وذيّـا
عقب الفضا وامعانق الغيم بالكيـف = = = = علـى الوكـور وحالهـا هالسويّـا
الريش طايـح مابقـى الاتناتيـف= = = = تمللـت لوهـي شباعـا00وريّـا
يعيضنا00ويعيضها خالق الطيـف = = = = تطرب 00ونطرب بالقنص لاتهيـا
نتعب عليهـا وانتحمّـل تكاليـف= = = = هي غيّنـا لا صـار للنـاس غيّـا
هذا الهوا 00 ياعارفين المعاريـف = = = = هذا الهوا ياراعـي الصنـف هيّـا
سوجة نفس00 خوة نشاماً مشاغيف = = = = على القنص00وايضا رجال الحميّا
مثل الحرار اللي ترب المشاريف = = = = يرهون في كـل المراجـل ارهيّـا
اخلاقهم ما هي تصنّـع وتزييـف = = = = الله لهـم لا جـاو حيّـا 00 وبيّـا

هذا الهوا 00 ياعارفين المعاريف=هذا الهوا ياراعي الصنف هيّا
سوجة نفس00 خوة نشاماً مشاغيف=على القنص00وايضا رجال الحميّا
مثل الحرار اللي ترب المشاريف=يرهون في كل المراجل ارهيّا
اخلاقهم ما هي تصنّع وتزييف=الله لهم لا جاو حيّا 00 وبيّا