قصيدة الفناااااااااجيل

ترى التهرّب مـن وجيـه المقابيـل = = = = يصبح على الرجال عيـب وملامـه
ماكـل طيـرٍ ينوكـل يالمهابـيـل = = = = باش الحكم جاه البـلا مـن غلامـه
تطلع لمن يابـى عليـك المحاويـل = = = = تبغى السلامه غيـر مابـه سلامـه
منته بصفره!! فـي نهـارٍ ولا ليـل = = = =لاانته ولا هيّه مـن اصغـر حلامـه
على البطـا تبقيـن ياكذبـة ابريـل = = = = تبقيـن فـي طـرة جبينـه علامـه
ماني معّدل عوج الالحي عن الميـل = = = = العـرض خام..وكنّهالـه اجـلامـه
يازعفـرانٍ خالـط البـن والهـيـل = = = = تكرم ..على صيغة اقراه .. وعلامه
قد شفت انا بعض العيون المكاحيـل = = = = تنظر هروبه عقب..ذالـه.. ولامـه
النصر كذبه .. والحرايـب دهاويـل = = = = النصر صعـبٍ للضعيـف استلامـه
جازت على بيض الوجيـه التعاليـل = = = = من راس صاحي يوم ذعذع ولامـه
ودارت على صف النشاما الفناجيـل = = = = اسباع بـر وغيرهـا جمـع ..لامـه
وشلـي بكـم يازابنيـن المداحـيـل = = = =في غاركم قصر النظر مـن ظلامـه
وانا .. على قمة جبل واسبر اسهيـل = = = = وراعي السوالف .. ما شحنّي كلامه!!