هذه احدى مرثيات وقصائد الشيخ شالح بن هدلان رحمه الله ... وهي في أخيه (الفديع) عندما قتل في وقعـه بين قحطان وعتيبــه .... وقد قتل في مكان في نجد يسمـى ( قارة خفا ) ...
أمس الضحا عديت روس الطويلات=وهيّضت في راس الحجا ماطرالي
وتسابقن دموع عيني غزيرات=وصفقت بالكف اليمين الشمالي
وجريت من خافي المعاليق ونات=والقلب من بين الصناديق جالي
واخوي اللي يم (قارة خفا) فات= من عاد من عقبه بيستر خمالي
ليته كفاني سوّ بقعا ولا مات = وانا كفيته سوّ قبرٍ هيالي
وليته مع الحيين راعي الجمالات=وانا فداً له من غبون الليالي
واخوي اللي يوم الاخوان فلات=من خلقته ماقال ذا لك وذا لــي
تبكيه هجنٍ تالي الليل عجلات=ترقب وعدها يوم غاب الهلالي
ويبكي على شوفه بنيٍ عفيفات=من عقب فقده حرمنّ الدلالي
عوق العديم ان جا نهار المثارات= والخيل من حسّه يجيهن جفــالي
آخر المواضيع
مرثيــة شالـح 
