هذه اللتي بين أيديكم قصيدة ذات غرض وموضوع جميل
وهي للشاعر محمد بن مسفر القويفل رسمها بفكره عجيييييييبه
يقول الشاعر :
أرحب وهي كلمة على لسان قحطان=سلم ٍ خذاه أهل الكرم والجماله
سلم ٍ ورثه الغمر من راس شيبان=ترحيبة ٍ يصخي لها حر ماله
ترحيبة ٍ تلقى لذربين الأيمان=والضيف والطرقي ومنهو عناله
ترحيبة ٍ يطرب لها راس عمسان=كنّه يبشَّر بالبكر من عياله
ألذ وحلا من عسل شعب نجران=وأزكى من عطور الزهر في جباله
ترحيبة ٍ من عقبها الحيل والضان=كرامة ٍ من طيب من طاب فاله
في مجلس ٍ مادنّسه هافي الشان=ولاحكابه من كثير ٍ هباله
مدهال لقروم ٍ مناعير شجعان=جزل العلوم تدار مابه هزاله
يساق فيه الكيف في دلال رسلان=والعود الأزرق فاح وقت اشتعاله
هذا وكل ٍ فيه للجود برهان=قبايل ٍ تفخر بعلم ٍ تناله
ماني بمدحي للقحاطين غلطان=ومن لامني ياجعلها في حلاله
هذي وهي كلمة على لسان قحطان=أرحب غدت سلم الكرم والجماله
آخر المواضيع
أررررحب ..... 
