السلام عليكم
هذه احدى روائــع الشاعر المبــــدع سعد بن جدلان
ياعلاوي نجـد علـك مراديـم السحـاب = ديـرةٍ فيهـا تربيـت يـوم انـي صغيـر
ياطبيب النفـس شنهـو عـلاج الاكتئـاب = اعطني وصفة اعلاجه ترى وضعي خطير
عشت في غربة حقايق وفي وضع اغتراب = والتجـارب علمتنـي علـى شـي كثيـر
استفدت من الذيابـه ومـن نبـح الكـلاب = واستفدت من الرغا واستفدت من الهديـر
ولاكسبت الا معرفـة عزيزيـن الجنـاب = ولاخسرت الامعرفـة عديميـن الضميـر
اقترب لا مقترب شين بعـض الاقتـراب = ابتعد لا مابتعـد شـي فـي حقـي كبيـر
ياسؤالٍ كـل ماطرحـك ملقالـك جـواب = مالي الا الصبر واهل الصبر توعد بخيـر
وصف خلان الرخا مثل ضحضاح السراب = يفرح العطشان شوفه يحسب انـه غديـر
والردي لو هو ولد عم لاتحسب له احساب = كم عزيزٍ ذلـه الوقـت بضيافـة حقيـر
والدروس انـواع تطبيـق والا بأنتسـاب = بس انا اللي طبّق الـدرس قـدام المديـر
وسلامتكم
آخر المواضيع
قصيده للشاعر سعد بن جدلان 
