الناااااااايحه

خافقي هيمان في دنيا سراب = مالقى فيها معالم واضحه
هايمٍ فيها يبي يلقى جواب = للسؤال إلي بجوفه ذابحه
طول ليل البارحه هم وعذاب = آآآآه يا مقساه ليل البارحه
الفكر من كثر ما فكرت شاب = والتعب بانت علي ملامحه
لأجل تدري ما دريت إيش الصواب = خايفٍ لأغلط بغلطه فادحه
جادل سبحان من ينشي السحاب = الأماني في بحرها سابحه
لو بغيت أقول من باب العتاب = ليش ما قلتي لي إنك رايحه
ياجفول معك تو الليل طاب = يخسرون الناس وأنتي رابحه
من نظر في وجهك الفتان ذاب = فوق رموشك وجناتك طايحه
تكشفين الوجه وإلا بالنقاب = بكل حلاتك صراحه نايحه
ليت تفكيري عن ملاقاك تاب = يرحم عيونٍ لشوفك طامحه
ساجدٍ لله راجي الثواب = وأطلب الله كل ما أقرأ الفاتحه
تنتهيبك رحلتك بعد الغياب = في غرام اللي غيابك جارحه
وإن رفضتي بأحجز وحجزي ذهاب = لو هدت نوقي خيولي جامحه
شاعرٍ خلاك عنوان الكتاب = وكل تفاكيره بجوك سارحه
ما أهتنى قوتك ولا ذاق الشراب = وإنت بوصلك وقربك شاحه
لا تشحين بوصالك يا سراب = كان فرصتك بوصالي سامحه
خافي الله يا معذبة الشباب = عندك قلوب الأوادم سايحه
إنطقيها بس ردي لي جواب = إنتي بتلفين ولا رايحه