بسم الله الرحمن الرحيم
[POEM font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=right use=ex length=0 char="" num="0,black" filter=""]
ياما حلا الفنجال
يا مـا حلا الفنجـال مـع سيحة البـال =فــي مـجلس(ن) ما فيــه نفسه ثقيـله
هـذا ولــد عـم (ن)وهـــذا ولـد خال =وهذا رفيق(ن) مـا لـقـيـنـا مـثـيلـه
يـا لـيـت رجـال(ن) يـبـدل بـرجــال =ويا ليت فـي بــدل الـرياجيل حيله
يـا بـو هـــلا طير الهوى خبث البال =الطـيـر نـزر (ن)والـحـبــارى قـليله
يـا الله يـا الـلي طـالبه مـا بـعد فال =يا اللي مــن الضـيـقات نجى دخيله
أفــرج لـمـن قـلبه غـدا فيه ولوال =والنوم ما جـــــا عـيـنه الا قليله
لا مـن ذكـرت ارموس عصر لنا زال =شـوف الـفياض وفقد عـــز القبيله
يـا زيـن شدتهـم آليـا روح الـمـال =يتلـون بـراق(ن) حــقــوقه مـخيلـه
يســقـى خصيـفا والثمان أرضها سال =مـرتـع معطره السيــــوف الصقيله
عـجـمـان لا ركـبـوا على كل شملال =يفرح بهم راعـــى الـنـياق الهزيله
مـن جــو سـاقـان(ن)ليا السيف همال =وينوش حسنــــا والـرديـفة هميله
ولا قــادنـا مـن يـمـة الـقفر خيال =يـصـبح شديد البدو عــــجل رحيله
قــاد السـلـف واستجنبوا كل مشوال =وقت العصر محـلا تخيبـط نـزيــلـه
وإن شرف البادي عـلى روس الأقـذال =والـمـا كـثيـر الـــزول زود جفيله
تـلافـحـت مـا بينــا شهـب الاذيال =ومن ضيع الـــمفتاح يـا عـزتى لـه
ركـبـوا على طوعاتهم كــل عيــال =وكل لبلج يحـرى بـكــــسب النفيله
تـغانـموا المـفزاع ذربيـن الافعــال =مـن قبـل تسبق غارة (ن)تنثنـــى لـه
يبغون طوعـه روسـهن قبل الادمــال =وتـغانمـوا خلف(ن) كــثـير(ن) هـجيلــه
وحال الكمى مــن دون عطرات الاجهال =ومروا ولحقوا مقحــمين الدبيلــــه
واللــى تريض عقبهم يلبـس الشــال =من صنــع داود(ن) دروع (ن)ثقيــلــــه
يلزم عليهم علة عـقب الانـهــــال =ومن غارته لـزم(ن) يـضيع دليـــلــه
والدم مـن قحص الرمـك يثعل اثعــال =يزعج عــلى وروك السبايـا وشيــله
هـذى براعيها مـن المعرقه مـــال =وهـذى شكـلها مطرق(ن) مــا تشيــله
من وقـع كـل مجرب(ن) قدله افـعـــال =وفـروخ صـياد الحبارى فـصيــــله
ولـيـا ركبنا فوق عـجــلات الازوال =وبايماننـا حـدب السيوف الصقيلــــه
ومـا حـن نحسب لا شتـبك عج واقتال =وتـرك صـبى(ن) يفتنع بالفــشيــلــه
وصلاة ربي عـد مـا زايـــــل زال =على نبى الحـق راعـى الفــضيــله
[/poem]
آخر المواضيع
الشيخ والفارس المشهور راكان بن حثلين 
