قصيدة البركان الثائر
(فـزعـتـي فـيـهــا الـمـســره والـمـضــره)
قـام عـجـمـي(ن) مـافـعـلــه بـالـلـحـونــي = الــشــري بـأعــيــون عــدوانــه يــــذره
كـل كـايد عـنــد ابــن عـمــش يـهـونــي=غــاص غـبــات الـبـحــر ثـــم جـــاب دره
مــن رجـال(ن)تـنـثــنــي دون الـظـعــونــي= ومـــن فـــزع لـلـراســيــه لــلـــه دره
والـقـبـايــل مـثــل هــمــال الـمــزونــي= مـن سـهـل صـنـعـاء ايـلـيـن جـبــال حــره
اخـــذي الـعــنــوان والا الـتـيـلــفــونــي= قـلـتـهــا وانـتــي يـابـنــت الـعــم حــره
فـزعـتــي مـاهـيــب كـشــار الـسـنـونــي =فـزعـتــي فـيـهــا الـمـســره والـمـضــره
لـلــذيــن يـبـهــتــون ويـظـلــمــونــي = الله الـــخـــلاق مـــاشـــي(ن) يـــغـــره
كـانـهــا بـالــديــن ســددنــا الـديــونــي =وكـانــهــا بـالــجــاه مـــره لاتــشـــره
الـسـهـر شـوفـيــه بـأطــراف الـجـفـونــي = نـاصـحـش مـبـحــوح صـوتــه لــو يـجــره
طــي حـالــش مـثــل طـيــات الـشـنـونــي = راسـيــه وانـتــي عـلــى رايــش مــصــره
وقـلـبـش الـلـي مـن بـعـض نـاس امـغـبـونـي =الـصـبـر حـلــوه يـجــي مــن بـعــد مــره
مـانـشـيـل الــرأس مــن فــوق الـمـتـونــي =وكـل قـلــب(ن) مـاكـشـفـنــا ويــش ســره
فـزعـتــي مـاهـيــب كـشــار الـسـنـونــي=فـزعـتــي فـيـهــا الـمـســره والـمـضــره
قصيدة الراسيه
(آآآآآآآه يـــــــــابــــــــــخــــــــــوت)
ضاقت الدنيـا الوسيعـه فـي عيونـي=واصبحـت عنـدي مثـل مثـقـال ذره
ياصبـاح الدمـع الاسـود ياشجونـي=بالـقـدر آمـنـت فــي خـيـره وشــره
اشهدان ها.. صدق ماخابت ظنوني=شفت في وقت الضحى كل المجـره
واعـدونــي واعـدونــي واعــدونــي=جعل مايبقى لهـم ف الارض جـره
جعـل قـومٍ جـاو مـن دونـه ودونــي=ماتـشـوف عيونـهـم لحـظـة مـسـره
هيـضـونـي لعـنـبـوهـم هـيـضـونـي=بالقصـيـد الـلـي غــدا فالكـبـد حــره
كـــل مـاواعــدت ربـــعٍ خـالـفـونـي=مابقـى فالـخُـرج مــن حلـفـي مـبـره
ويـن مـا وجهـت يامكـثـر طعـونـي=كنـهـا جـيـشٍ تمـركـز فـــي مـقــره
آه يا(بـخـوت) صـوبــه مـاخـذونـي=ويــن يــام وويــن قحطـانـن ومُــره
ويـن فزعـة ربعـي اللـي مانسـونـي=ويـنــهــا بـقـولـهــا الـفــيــن مـــــره
ضاقت فيـاض الوسيعـه وابهتونـي=واصبحـت عنـدي مثـل مثـقـال ذره
ياصبـاح الدمـع الاســود ياعيـونـي=بالـقـدر آمـنـت فــي خـيـره وشــره
آخر المواضيع
الرد علي الراسية 
