الصدر ضاق

الصدر ضاق و حاير الدمع دفاق=.من ناظر من جاير الدمع مرهوق
دمع تكبه عين عاشق ومشتاق=ارعد سماها بالغضب وامطر الموق
الى سفح من فوق الاوجان وانساق=تسيل منه معيله مرتع النوق
ماحد رحمني يوم الاقدام غراق=من جور عبرات تكسر بصندوق
صدر من الفرقا رمع فيه دقاق=واوجس معاليق الحشا يشعلن فوق
إلى بغيت ادله تذكرت لفراق=طفل على شل المعاليق مطفوق
طفل نفل بالزين شخصات الاعناق=عز الله انه طالني منه ملحوق
فيما مضى دنياي جتلي بالاوفاق=وردت عد قبل ماهوب مطروق
جيت الحبيب داله بالكرى راق=ومجوهرات مبيسمه ذقتهن ذوق
يوم انتبه لي صاحبي عقب ما فاق=دلى يعاتبني على الغدر والبوق
يقول ما مثلك للاجواد سراق=و لاانتب على هذا من الناس مسبوق
قلت اعذروا من زاركم ماله ارفاق=وروس الافاعي بالقدم حطهن سوق
ماله صديق وبه يضيقن الافاق = وليا جفيته ما يبي كل مخلوق
واسفر احجاجه وابدل الوجه باشراق=وافتر عن بيض تكاشف بها بروق
منهن سقاني كاس خمر بترياق=زود على مافات بالغدر مسروق
احباب لاحباب تعاطوا بالارياق=وارواح تحيا بين عاشق و معشوق
هو حط ذرعانه لي فراش وارواق=وانا لويت العضد لمعنقه طوق
عليه من شقر العكاريش دلاق=تزها لجسم فارع الطول ممشوق
ثوبه نظيف ولا وطى فيه عشاق=وثوب الخنا يجوز به كل منطوق