يا قلبي اللي تحب الناس

باح مضمون القصيد وباح فالهاجـوس شعـري=من كثر ماسقت لجلك شعر مال الشعر داعـي
ويش أسوي ويش أسوي لاتعزوى الحظ صبري=وان تعزوى الصبر شعري جيت من كل اقتناعي
كان شعري مايجملني معـك ياويـش عـذري=الوحيد اللـي ملكتـه يبـري لكـل الوجاعـي
والمصيبه كل ماكتب في جمالك ضاق صـدري=ماقدرت أكتب وأعبر ميـز فكـري وانطباعـي
وان قضيت من الكتابه في جمالك قلـت بـدري=ودي أكذب في وصوفك وأختلق شي اصطناعي
أذكرولي من جمالك شـي مايوصـف بفكـري=وانتي أجمل من وطت رجلينها في كـل قاعـي
أرحم اللـي لاتذكـر كلمتـك فالليـل يسـري=كلمه تهز الضعيـف وكلمـه تهـز الشجاعـي
والله ان قدرك كبير ولا قدرت أشـوف قـدري=فالزوايا اشـوف طيفـك فالمثلـث والرباعـي
ياهل العشق اسمعوني من يشـد اليـوم بـزري=لانتهى(حب الفراق)ولابتـدى حكـم الوداعـي
يكسب بقلبي جميلـه والجميلـه ياخـذ اجـري=والمحبه زرع ربي مازرعوه أهـل الزراعـي
وان شكيت وقلت وضعي دون هذا الحب مزري=قالوا ان الوضع هذا صاير(ن)وضع اجتماعـي
وانشدوني كيف معنى العولمه ثم قلـت مـدري=قالوا ان العولمـه مثـل الرعيـه دون راعـي
ثم دريت أن الهوى في خلق ربي شي فطـري=والوفاء معدوم فيهـا كالنخـل زرع وقطاعـي
والنهايه ماغبنـي غيـر مـن يطعـن بظهـري=بالنفاق اللـي يشـوة حبهـا كـذب وخداعـي