أنـا ربـتني الـدنيا عـلى جزل العطا والجود =
وأعـارض منهج الهابط وأوافق للصعود صعود=
ولا تـثّر بـي الـبسمة ولا كـحل العيون السود =
أردّ الـجود بـأمثاله وأقـابل بـالجحود جـحود =
وعـندي مـع أهـل العِليا مواثيق وثلاث عهود =
أعـايش مـركب الـدنيا على متن القدر مولود =
ومـن ويـن الـزمن مقبل وإلى وين الليال تقود =
ومـن لـه بالزمن غاية ومن عنده هدف منشود =
عـرفت إنّ الشقا باقي ، عرفت إنّ الحسد موجود =
لـقينا الـعرب حـاسد وشـفنا بالعرب محسود =
ويـنقص بـعضنا خـوّه ويـنقصنا وفاء وعود =
ولا تـرجى بـها الدنيا من ربوعك يجيك اسنود =
وقـابل خـطوة بخطوة وجازي بالصدود صدود =
ولا تـخطي تـرى لصبر الحليم اليا سلاك حدود =
تـجنب كـسرة الخاطر ولو حبل الزعل مشدود =
ولا تـزعل عـلى رجلٍ بذل لك ولرضاك جهود =
نـبي نـصبر عـلى الـدنيا قلوبٍ بالحياة زهود =
وأنـا مـا قـلتها راجي ولا أطلب بعدها مردود =
وبـمشي لآخـر الـدنيا ولـو كـلّ الأنام اقعود =
صـحيح إنـي صـغير السن ولكن قدها وقدود =
طـموحي يـملي الـعالم ولابـه لـلطموح قيود =
خـلقنا الله مـن تـرابه ولأحضان التراب نعود =
سـلفنا مـا لـحقناهم تـحت قـاع التراب رقود =
ولـو طـال العمر فاني وترى عمر الفتى محدود =
وأنـا بـلّغت بـلساني وربـي والأنـام شـهود =
من أختيااااااااري : رســـــــــــــــــيس
آخر المواضيع
أنـا ربـتني الـدنيا 
