دار اقحطان الطيب ترقـى سنامـه

عقب القيام وموسم الخير والصـو =ميالله تقـبـل للصـيـام وقيـامـه
ويالله عسى ماني من الخير محرومو =كل الوجوه الحاضرة فـي سلامـه
الله جمعنا ياهـل الطيـب واليـوم = عيد وفـرح والكـل فيـه ابتسامـه
أرحب بالأجناب والضيـف محشـومو = من زارنا ياجب علينـا إحترامـه
وسلام يا قحطـان واخـص زيـزوم = مقـدم عبيـده للسلـف والجهامـه
أخص إبن شفلوت وأثني على القوم = عبايـد اللـي تستحـق الزعـامـه
عبايد اللـي فـي مواجيبهـا تقـوم = و الكل منهـم يفتخـر فـي مقامـه
لاطار ستر البيض والحرب مزحـوم = يشيب منهـم كـل طفـل بفطامـه
ولآلاد سالم مارثـة عـود ملـزوم = أخصهـم والجـود لبسـوا وسامـه
أهل الرفيعه منقع الطيـب وقـروم = سلم المراجل فـي إيديهـم زمامـه
وأذكر بني هاجر سعد كـل مكلـوم = خزنة ظفر والموت تنقـل سهامـه
حريبهم يسري بـه الليـل منجـوم = هواجـرٍ سقـم المعـادي كعـامـه
هذا وأنا مـن لابـةٍ تبعـد الحـوم = جحـادرٍ فيهـا الكـرم والقـرامـه
قد قال إبن هادي زبن كـل مضيـوم = لـي لابـةٍ حدرتهـم مـن تهامـه
وسلاحهم صنع الفرنجي مع الـروم = مرحوم ذاك الشيخ ما أجمل كلامـه
عدوهم في شذرة السيـف ملطـوم = يبطي ويفنى ما إهتنـا فـي منامـه
وفعل الحباب بعالي المجد مرسـوم = فيهم على صعب المواقف صرامـه
عضود الجحادر لا غلا بسوقها السوم = تركض بهم قب الرمك في عسامـه
وأخص ربعي والقبايل لهـا سلـوم = آلاد روق أهـل الوفـاء والشهامـه
آلاد روق تخضب السيـف وسهـوم = مثل البحر لا زاد موجـه إلتطامـه
ضديدهم لا ثـوّر الحـرب مهـزوم = ومن شافهم بالعيـن تبـرد عظامـه
أهل المهار المسرجه والسعـد دوم = يا سِعد منهم في المواقـف حزامـه
خويهم يبقـى لـه الحـق مقسـوم = وقصيرهم تشرب ضوامـي حيامـه
والحمـد لله البلـد صـار محكـوم = حكمٍ على الدين الحنيـف إنتظامـه
آل سعـود مناصـرة كـل مظلـوم = مثل القمر يزيـح دامـس ظلامـه
وفي الجله يطري لي سواليف وعلوم = سوالـفٍ ترفـع بهـا كـل هامـه
أحبهـا ويحبهـا كــل شغـمـوم = دار اقحطان الطيب ترقـى سنامـه
وفي الجله يا سطام ما انتهنا اليـوم = واللـي يلومـك يستحـق الملامـه
يلومك اللي ضيع الحر فـي البـوم = تبـعٍ ولـد تبـعٍ سلايـل هـلامـه
والا أنت يا نسل المناعير محشـوم = وتكرم رجال الطيب وأهل الكرامـه
وصلوا على المختار والهرج مختوم = على شفيع الخلـق يـوم القيامـه