الليل يوحش

الليل يوحـش يابـو خالـد سـواده=والعمر يطويه الزمن طـي الاوراق
والراس عيـاء يهتنـي فـي رقـاده=والقلب غاص من العناء بحر الاشواق
والفارس اللـي مايـروض جـواده=لايطمع أبفوزه الياء حطـو أسبـاق
والبنـدق اللـي مايـثـور زنــاده=ماتنفعك في يـوم يبسـات الأريـاق
والسيف مالـه هيبـتٍ فـي غمـاده=ينهاب لامنـه بتـر روؤس وعنـاق
ويعجبك في طيـر الحـرار إنهـداده=ويزعجك صوت اغراب فاسق ونعاق
واللي بناء قصـر المعـزه وسـاده=لايلتفت فـي هـرج حاسـد ونفـاق
والفاتـن اللـي لبـسـوه الـقـلاده=لؤلؤها جبته مـن أبحـور وأعمـاق
لحفتـه أرموشـي وجفنـي وسـاده=وسهرت ليلي واقفٍ له علـى سـاق
لبيـه يارمـشـه ولـبـاء فــواده=ولباء الجبين اللي كما نور الأشـراق

أبسألك وش هو الشبه بين النهاية والأخير

كلها نفس المصير ....

وبسألك من قال لك إن الهوى جرح وعذاب

وأجمل أيامه غياب .....؟