ضيقة الخلق وظروفي ودمـع اغترابـي = والفراغ وشتـات الذكريـات الحزينـه
تحتويني وانا بالصمت اسايـر عذابـي= يلعن الصمـت وايامـه ويلعـن سنينـه
وابتديت اكره احيا مغترب فـي ثيابـي= مثل ما يكره القمـري صبـاح المدينـه
خايف الشيب يستعمر ضواحي شبابـي =وخايف البحر يستمتع بجـوع السفينـه
اقترب يوم وابعد وارجع افقـد صوابـي =وابتعـد لويقـرب واقعـي واستهيـنـه
ليتني ما فتحت لوجـه الاحـلام بابـي =دام الاحـلام بعيـون الفقـارا سجينـه
في حضوري زرعت اجمل مواسم غيابي= كنـي اول وطـن يشتـاق لمهاجرينـه
ومن ظما صوتي استمطر وافيض بعتابي =والصبر ذبلت ازهار الفرج فـي يدينـه
ما لي الا اسقي ظروفي بدمع اغترابـي= واقتطف من شتات العمر ذكرى حزينـه