ســـــــولفـــــــوا

سولفـوا تكفـون لاعـد تسكتـون = قبـل لا اهوجـس وياتينـي بـلاي
السكـات يـزوّد طعونـي طعـون = وتنكسر لا جا على راسي عصـاي
سولفوا لـو مـا بغيتـوا تسولفـون = قبل لا اقعد في الحزن رايح ..وجاي
واضحكوا لو بالعمالـه تضحكـون = وجاملوني لـو يضايقكـم احكـاي
لي وليفـن راح جعلـه مـا يهـون = هــو دواي وداي..او داي ودواي
راح لاكن طيف زوله فـي العيـون = مــرة ٍ قـدامـي ومــر ٍ وراي
وان سكتوا جا .. وهو طيفه يمـون = رحت اهوجس له وابيّـن لـه ولاي
مكسب عيوني من الفرقـا مـزوون = تمطر لطاريه..والبرق ؟ اصدقـاي
كل ما طـروه لـو هـم يمزحـون = احرموني من غداي ومـن عشـاي
ادري انه مـا تناسـى الـود كـون = تسمع اذنه في قفاي اللسـن اعـداي
وكانهـم قالـو نسيـتـه يكـذبـون = والا انا فيـه امتلـك نظـره وراي
كان حبه لي على خبري مصـوون = والله ان كنـي بقـدري ..وبغـلاي
ذي بقايا الحـب واطـلال الجنـون = والله اعلم في ضميـره وش بقـاي
غيـر طيعونـي ولاعـد تسكتـون = ولا والله ان اسمعكـم ابـكـااااااي