السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
[POEM font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يابدو والله لو تميل الموازين=في صفكم ماتدركون الزعامه
أنتم رعايينٍ سلايل رعايين=و ألكم على الرعيه عزوم وقرامه
هذين البيتين هما مطلع قصيده لم يوضح قائلها أسمه قصيده أخذت حجما ً أكبر
مما تستحق من الأنتشار تناقلها الناس فتره من الزمن تحمل في طياتها العدا، لهذا
الوطن الغالي ولأهله على حدٍ سواء بدوٍ كانوا أم حضر. ولوغلفها قائلها بطابع الهجاء و المدح
ولقد سُبقت بالرد على هذه القصيده من بعض الشعراء الذين أطلقوا على قائلها وصف النعامه.
وهذا هو مردودي المتواضع الذي أملاه علي الضمير والواجب وأرجو أن ينال
القبول ممن يسمعه أو يتصفحه.
سر ياقلم وأكتب من القيل بيتين=ردٍ على من وصّفوه النعامه
اللي قرينا في كلامه مضامين=خيبت فكر شخصٍ تهيّض غرامه
صاغ المثايل عقب ماشرب كاسين=وشرّق وغرّب عقب شرب المدامه
صوّر وفالصوره عطى عنه تثمين=لا وا حياته ياحياة الندامه
صورة فكر ضايع عن الحق مسكين=ظليم راي وعايشٍ في ظلامه
من وحل ذل المعصيه لبس ثوبين=ثوب الخنى من فوق ثوب الرخامه
ودّه يثير اللي سواته خبالين=وألا ترى العقال تفهم مرامه
سب ومدح والقصد من بين قوسين=قدح الفتيله فرقةٍ وأنقسامه
مجنون تلعب به جنون الشياطين=مبداه تطبيق الجهل والغشامه
ماهمّنا سبّه ولا الحضر راضين=عن ما أحتوى مضمون جملة كلامه
حنّا البدو وافين والحضر وافين=ومن قال غير الحق يُلحق ملامه
وحنا بدو حضرٍ وحضرٍ بداوين=ماننقسم حتى تقوم القيامه
في صف واحد مايجي الصف صفين=لو حاول التفريق خطوى الفدامه
وحنا بدارٍ تطرب القلب والعين=أمن وأمان وراحةٍ وأنسجامه
دارٍ لها ترجح كفوف الموازين=في كل ساحة عز للعز هامه
تشهد لنا بالعز كل الميادين=غصبٍ على الحساد وأهل النمامه
دارٍ ربتنا في رُباها عزيزين=نفخر بها والعدل تُعطى وسامه
دارٍ بها حنا على الشرع ماشين=ومن لا رضى بالشرع حنا كعامه
لو من طرفنا نقطعه للسراحين=ولأجل الوطن والدين نسحن عظامه
دون الوطن حنا جنودٍ مطيعين=لقيادةٍ فينا تزود الزعامه
تحت الأشاره للطلب مستعدين=ولأمر ولاة الأمر سوق الجهامه
في ظل حكامٍ ثقاتٍ حكيمين=محكمين الشرع عدل وصرامه
أخوان نوره عز الأوطان والدين=أعيال من وحّد وساند أمامه
ألّهم ولانا في قسى الوقت والين=مادام نور الصبح يجلى ظلامه
وألنا الفخر مبطي وبكره وذا الحين=ولدار وأهل الدار سلم وسلامه
ركّز وشف بالعين نخله وسيفين=وحلل برايك ويش معنى العلامه
أن رغت يسار يمين سيفٍ بحدين=وأن رحت عدل تنول عز وكرامه
لينين للصاحب ولضد قاسين=والمحترم يفرض علينا أحترامه
تم الجواب وغاية القيل تبيين=وأرجو المعذره يارجال الشهامه
أرجو المعذره يالرجال الفهيمين=أن كان في قولي لشخصٍ أظلامه
هذا وصلى الله وسلم ملايين=على رسول الحق والأستقامه
[/poem]
آخر المواضيع
حنا بدو حضرٍ و حضرٍ بداوين 
