رثى حبيبته بعد ان خذاها ربك وربها

][®][^][®][المـــــــــــــرثيه ][®][^][®][



اسعفيني يا حروفي واكتبي صعـب اللغـات

اكتبي عن عيني اللي دمعهـا يفضـح شقاهـا

اكتبي والليل يشهد مـا قـدر محمد يبـات

اكتبي والعين تشهد مـا تهنـت فـي كراهـا

شاركيني في همومـي والسطـور الشاقيـات

شاركيني كل حزنـي فارقـت روحـي مهاهـا

وردتي ياناس غابت بعد ما اخذهـا الممـات

صارت الورده بحفره وانقطـع عنـي شذاهـا

افتخر ياقبر فيهـا تسكنـك احلـى البنـات

تسكنك والروح تسكن وسط روح اللي رثاهـا

تسكنك والوقت يشهد ضاعت احلى الامنيـات

تسكنك والجرح يشهد ما سكن قلبـي سواهـا

تسكنك والحال يشهد ع...الهموم الجايـرات

والحزن يشهد وتشهد صرختي لحظـة عزاهـا

عاهدتني قبل ترحـل بالحـروف الواثقـات

عاهدتنـي بالمحبـه والوفـا هـو مبتغـاهـا

عاهدتني تنتشل قلبي مـن اوجـاع الحيـاة

عاهدتني ترسـم البسمـه علـى دنيـا فتاهـا

واخـذت منـي مواثيـق اليميـن الوافيـات

مااخون الحب لو غابت ولـو تعطـي جفاهـا

واخذت عهدي وقلبـي والعيـون الباكيـات

واخذت كـل المشاعـر والوفـا منـي لفاهـا

وابتـدت احلـى حياتـي والليالـي الاولات

عشتها حب وسعـاده زينـة ايامـي وهناهـا

كم بكينا..كـم فرحنا...والخواطـر صافيـات

كم صبرنا..كم شقيناوانهـك احساسـي بكاهـا

كم كتبت الشعر فيهـا والحـروف التايهـات

كــــــــــــم تمنيـت المحبـه تستمـر اطـول مداهـا

شاركتني في همومـي والليالـي القاسيـات

ودمـوع العيـن تمحيهـا وتمسحهـا يداهـا

والحزن لو صاب قلبي مثل ذيـك النايفـات

ينبري حزني ويرحل لو عطتني مـن سناهـا

والزعل لو شق صـدي والعلـوم البائسـات

تنتهي نـاره وتطفيهـا بقطـره مـن نداهـا

كانت البلسم لقلبـي مـن همـومٌ صايـرات

والشفى من كل ظيمي (تعطي العلّـه دواهـا )

يادموع العين هلّي واكتبـي سطـر العـزاة

بيّني للنـاس قلبـي والهمـوم اللـي شكاهـا

رحلت عنـي ووجدانـي يبـاري اللايعـات

رحلت عني واحساسـي يـدور عـن دفاهـا

رحلت من دون ما تكتـب لعاشقهـا وصـاة

رحلت وابقت رسايـل حبهـا تثبـت غلاهـا

رحلت والحسن فيها ترسمه احلـى الصفـات

آآهـمنهـا فارقتنـي وافتقـد محمد حلاهـا

بنت عز وبنت جوود وتفتخـر فيهـا العبـاة

والوفا كلمه حقيـره لـو يقـارن فـي وفاهـا

لملمت انسان تايـه كانـت احلامـه شتـات

واعطته حب ومشاعر واعطته بسمة رضاهـا

واعطته من دون ما يطلب ولا ينطق ب..هات

واعطته صدق المشاعر والوفا اكبـر عطاهـا

اشتكي للنـاس همّـي واطلـب الله الثبـات

واسئله يشفي جروحي والعيـون ومـا بلاهـا

مابقى لي في حياتـي بعدهـا لحظـة هنـاة

واندفن حلمي وروحي فارقـت احلـى مناهـا

النهايه حزن فاضـح والبدايـه حـب شـات

هذي ابياتـي تصـور قصتـي يامـن قراهـا

والختام ادعـوك ربـي بالاسامـي الغاليـات

جنتـك يـارب تجمعنـا ويتحـقـق لقـاهـا


قصيدة / محمد الهاجري لما ماتت حبيبته

من مواضيع خيال الزرقاء
0 راحت حياتي وانا ارجيك
0 بنت السلطان الجزء ( الثالــــــث )
0 ما ذنبي انا ابن رجل الامن يحصل بي هكذا .....
0 الغياب
0 يا ورع

صح الله لسانك جعل ربي مايهينك

من مواضيع آآآبونآآآيف
0 الحاء والباء..(حمار بمزاجي)والا(حمار بإمتياز).. !
0 قصيدة لولاء عواد بعنوان (وداعية )
0 قصة حب في حرب الخليج أبطالها سعوديون !!
0 همسات ؟ قراءه للمثقفين
0 مشتاق لك تعال ورب المخاليق

توقيع آآآبونآآآيف

من مواضيع الفجـــر
0 هـل يـاتــرى
0 المســــــــــــلـة
0 مثـــل الفـــرس فــي يـــديـــك
0 إلـــى هنـــا .. نقـــــــف ..؟!
0 فـراقـــــــك أتعبنـــي

لاهنت أخوي وصح لسان الشاعر

من مواضيع فــزو لــهـــا
0 .*صور متنوعه لجميع المناسبات*.
0 نســـــب اَل مـــــــــــــــره
0 وصف الغلا
0 تــــــــيــــــــتانــــــــــــك
0 صوره للي راسه يعوره بس ركز

صح الله ابدانكم جميع

من مواضيع خيال الزرقاء
0 يزعط انه ما يخاف ؟؟؟ وخاف !!!
0 وش بعد قصيدة تتساألون شنهي القصيده ادخل وشف
0 بنت السلطان الجزء ( الثالــــــث )
0 اوه يا ازرق يا موج البحر
0 ماتَ فنان العرب !!

واعطته حب ومشاعر واعطته بسمة رضاهـا

واعطته من دون ما يطلب ولا ينطق ب..هات
[line]

صح لسـانك ::خيال الزرقاء::ولسـان قايلهـا.

من مواضيع zoro
0 ♥.°من المؤلم حقـاً♥.°
0 وصل للخمــــــسه وقول ايش هي هوايتك ..؟؟
0 لفتــــه..
0 شنهو شعورك لو قال لك شخص اكرهك؟؟؟؟
0 حزن في الذاكره ..

توقيع zoro