غرك غلاك

غرك غلا فـي وسـط قلـبٍ تمنـاك=تحسب على طول المدى راح يغليـك
سهله ترى اهواك انا وارجع انسـاك=وصعبه ترى تزعل واجيلك اراضيـك
القلب دسته يـوم عشعـش بذكـراك=وادوس جـده لـو تصـد ويطريـك
نفسي عزيـزه مـا تحمـل خطايـاك=كثر الخطـا يازيـن يكثـر بلاويـك
غرك جمالك ياهوى البـال واطغـاك=تحسب عزيز النفس لارحت يرجيـك
اعلم ترى من صورك ثـم سـواك=صور ترى بالناس منهـو يحاليـك
قبل امس انا يازين ماشي على ارضاك=واليوم شوف الفرق وشلـون ناسيـك
والله لتصفـق يمنـى يـدك بيسـراك=من الندم يوم الفـرص بيـن اياديـك
قربك ترى عنـدي تسـاوى بفرقـاك=اقسـم قسـم بالله كرهتـنـي فـيـك
البارحه امشي علـى نهـج ممشـاك=كنـي اناظـر راحتـي بيـن كفيـك
ويومك تركت الدرب وبانـت نوايـاك=انذرة نفسي اجيـب عاليـك واطيـك
امـا اعيـش معـززٍ وسـط دنيـاك=ولا امـوت ابعزتـي يـوم اخلـيـك
وليتك فهمت اللـي وصلـك وتعـداك=سفينـةٍ مـرت وعـدت مراسـيـك