كان قصدك عذابي لاتوصي حريص ............

كان قصدك عذابـي لاتوصـي حريـص=الزمـن مايقصّروانـت فـيـك ابـركـه
لاتعاند ترانـي صـرت مثـل القريـص=ماحـدن راح صوبـه والعـذاب انهـكـه
لمعة الشوق فيني مثل لمـع الفصيـص=والقـدم سقتهـا لـك والطريـق اسلكـه
قانصن لك وطحت برمش عينك قنيـص=يوم شفته غـدا بالقلـب صـوت ادبكـه
جيت بافر منّـك واثـر مالـي محيـص=اثـر سهمـك تعـدا للحـشـا وادهـكـه
اشهد انّـك بقـدرك وبغلاتـك بخيـص=من كثر زود حبّك طحـت وسـط اشبكـه
انت وينك ترى الدعوا غدت خيص بيص=ويـن راح الذكـا والفـكـر والتكتـكـه؟
ماهو ابشرط من دش البحر صار غيص=كم وكم واحـدن شـاف البحـر واربكـه
اشتوت كبدي وصارت ابعـدك حميـص=وقرقعـة قلبـي ابصـدري تقـول اتنكـه
الأمل انطفـا نـوره وباقـي بصيـص=والعمـر فـات دوره والزمـان ادركــه
صح قلت ابتعد لاشك منـت ابرخيـص=ماتناسـاك عقلـي دام فـيـه احـركـه
مايأثـر عذولـن جـا عيونـه نفيـص=راح منّـي وكـفـه بالقـهـر يفـركـه
ياحبيبن جعلنـي مـن غلاتـه خبيـص=له عيونـي وطـن والـروح لـه مملكـه
ماعلي غير شوفـك ياحياتـي نقيـص=هـاك خيـط المحبـه وابيديـك امسكـه
بيـن هـم وتفكيـر وحظـن عويـص=كل من قـال خلّـه قلـت كيـف اتركـه؟
كيف اخلّي حبيبن في المحبـه خليـص=فارظـن احترامـه والحـنـان املـكـه
آه لو جعل لي رساله وسط مخبا القميص=بـدري ان التجافـي والزعـل فبـركـه
ويوم قلت ابتعـد ولله منـت ابرخيـص=كيف يرخص مقام الّلـي هـواه احبكـه؟