الشاعر/هـايف بن عريج

يالله يالمعتلي يارافع الشاني=ياعــــــــــــالمٍٍ ظاهر الدنياء وخافيها
حاكم حكيمٍٍ عظيم الرب رحماني=يوم الحشر يبعث الموتى ويحييها
اعمالهم تنحصي من غير نقصاني=تنصب موازينها والرب يوفيها
اما بجنات خلد ودار رضواني=ولا بنارٍٍ اتـــــــــْحرق من يجي فيها
هات القلم واكتب الحجه ابرهاني=كلمه ثمينه لـــمن يعرف معانيها
البارحه طول ليلي كنت سهراني=من كلمةٍٍ في ظميري ودي ابديها
والطيب والعقل مايشرى بالاثماني=وهايبٍ من جـليل الملك يعطيها
والطيب معروف والافعال برهاني=ولا الرديين مــــعروفه مماشيها
لولا الحيا كان اقول فلان وفلاني=بعض الرياجيل اناديها بااساميها
ماهم رياجيل بس فحول نسواني=مثل الارانب تستــــر حدر اذانيها
ياكل ويشرب ويمشي تقول حيواني=تبصر عيونه وعقلــه مايقديها
يقصر عن المرجله في كل الاحياني=وبعض المراجل امتركها وناسيها
وصلاة ربي عدد ماهل وداني=على نبي امته للخير هاديـــــــــــــها