...
حالفٍ ماخذ علـى الطرقـي ريالـه=وبالثـلاث محـرم أنـه مايجيـنـي
لالقيت اللـي علـى السكـة لحالـه=يلتفـت ويقـول ويـن المستحينـي
أوقف الموتر حيـا وأبـي الجمالـه= يوم ولد اللاش وجهـه مـا يلينـي
الطمع في كـروة الرجلـي رزالـة=خص وان جابـه مجـال الغانمينـي
والردي فـي حالـة ماهـي بحالـه=واعوينـه مـن كـلام الطيبيـنـي
الـردي لـو بـان مايذكـر عمالـه =مايعـد الـلاش مقصـور اليمينـي
أركبـه لعيـون مـن زيـنٍ دلالـه= ماتحاكـوا فـي قفـاه الرامسينـي
مابغى غيـري وانـا مابغـى بدالـه= قاعـدٍ لـي بالرجـا مـدة سنينـي
الولد وان طاب طيبـه مـن خوالـه= وان تـردى مـن خوالـه خايبينـي
الولد وان طاب قالـو مـن خوالـه= بالخـوال يسـال قبـل الوالديـنـي
أشـرب الفنجـال واكـب البيـالـة =تابـعٍ سلمـي سـلـوم الأوليـنـي
ولاقعدنـا بالعمـل بنـا الـرزالـة= ناخـذ العليـا طريـق الفايزيـنـي
قال خر الذيب مـن هاجـوس بالـه =كلمـة يلعـب بهـا والبـال زينـي
قالهـا يومـه طرالـه ماطـرالـه=من هواجيـسٍ تشيـب المرضعينـي
غرني بعض الرجـال بكثـر مالـه=مادرى ان الموت في حبل الوتينـي
كيف ينفعني وابا(..........) خالـه =مايقوم البيـت دام السـاس طينـي
ناس ويـن اللـي عوايـده الجمالـة=مثل ابن ظافر حمـد ليتـه يجينـي
الثنـا والجـود دايـم فـي خيالـه= علمـه ظافـر سـلـوم الطيبيـنـي
جـوّد العليـا ولزمّـهـا عيـالـه =وادركوا مـن علمتـه دنيـا ودينـي
واهني من باع حظه واشتـرى لـه= وسار في درب النبي وأخزى اللعيني
موقفـه مـاكـل رجــال ينـالـه = مـن بغـى ممشـاه يقعـد مرتينـي
كم ذبح من حايـل مـن حـر مالـه= وعادتـه لطمـة خشـوم العايلينـي
هذي قصيده معروفه لبن الذيب
وحبيت أنقلها لكم
تحياتي
آخر المواضيع
الولد وان طاب طيبـه مـن خوالـه وان تـردى مـن خوالـه خايبينـي 
